70 წლის ასაკში გარდაიცვალა თბილისის "დინამოს" დიადი თაობის ფეხბურთელი ფირუზ კანთელაძე.
კანთელაძე "დინამოს" ცენტრალური მცველი იყო. მის ღირსებას 1967-79 წლებში იცავდა. 277 მატჩში 3 გოლი გაიტანა. გახდა სსრკ-ის ჩემპიონი, ვერცხლის და ორგზის ბრინჯაოსპრიზიორი და თასის ორგზის მფლობელი.
1979 წელს თბილისის "დინამომ" თასის ფინალში "არარატი" 3:0 დაამარცხა და ერთი გოლი სწორედ მან გაიტანა.
1967 წელს კანთელაძე საბჭოთა კავშირის ნაკრებთან ერთად ჭაბუკთა ევროპის ჩემპიონატზე ოქროს მედლის მფლობელი გახდა. ორჯერ შეიყვანეს საბჭოთა კავშირის ჩემპიონატის 33 საუკეთესო ფეხბურთელის სიაში.
sportall.ge უსამძიმრებს განსვენებულის ოჯახსა და
ახლობლებს.
![არ გამოტოვოთ "ლელო week"-ის ახალი, 41-ე ნომერი [+ პოსტერი]](/pictures/image7/9f84e3c925d7feedb8988b8ec5baa878.jpg "არ გამოტოვოთ \"ლელო week\"-ის ახალი, 41-ე ნომერი [+ პოსტერი]")
