ბათუმის სტადიონის მშენებლობა ბოლო ეტაპებისკენ მიდის - უკვე დაიწყო სკამების დამონტაჟება, გახმოვანების სისტემა და ტაბლოს ლითონის კონსტრუქცია კი უკვე დამონტაჟებულია.
ასევე, აღსანიშნავია, რომ სავეგეტაციო ფენის მოწყობის სამუშაოები დასკვნით ფაზაზე გადავიდა. ამ ეტაპის გავლის შემდეგ მინდვრის საფარის დაგება დაიწყება. პარალელურ რეჟიმში მიმდინარეობს შიდასარემონტო და ტრიბუნების კოსმეტიკური სამუშაოები.
სულ ცოტა ხნის წინ ტაბლოს ლითონის კონსტრუქციის მონტაჟი დასრულდა. გამოსახულების რეზოლუცია Full HD-ია და მისი გარჩევა სტადიონის ნებისმიერი მონაკვეთიდან იქნება შესაძლებელი.
უკვე დაიწყო სკამების დამონტაჟების პროცესი. სტადიონზე ორი სახის სკამები იქნება: სტაციონალური და დასაკეცი. სკამები უმაღლესი სტანდარტების შესაბამისადაა დამზადებული. ისინი მექანიკური დაზიანების მიმართ მაქსიმალურად მდგრადი, ანტივანდალური და ცეცხლმედეგია.
აქამდე მრავალჯერ გავრცლებული ინფორმაციის თანახმად, ბათუმის სტადიონი მზად მომავალი წლის დასაწყისში უნდა იყოს. საქართველოს ჩემპიონატის პირველ საშინაო მატჩს ბათუმის "დინამო" ახალ სტადიონზე გამართავს.
ასევე, იყო მოსაზრება, რომ ერთა ლიგის ნახევარფინალური მატჩი სწორედ ბათუმში გამართულიყო, თუმცა, ეს ნაკლებად სავარაუდოა.
მომზადებულია facebook.com/ltdstadium-ის მიხედვით
1.5 მილიონის ინვესტიცია ბათუმის "დინამოში" - აჭარულმა კლუბმა უპრეცედენტო სასპონსორო შეთანხმება გააფორმა
ბათუმი თუ თბილისი? - სად გსურთ გაიმართოს ერთა ლიგის ნახევარფინალი? [გამოკითხვა]
![ეროვნული ლიგა. XXXII ტური. "ტორპედო" - "დინამო" (ბთ) [LIVE]](/pictures/image7/35ca7b0ee15305d4b455c21328380b04.png "ეროვნული ლიგა. XXXII ტური. \"ტორპედო\" - \"დინამო\" (ბთ) [LIVE]")
![ეროვნული ლიგა. XXXI ტური. "დინამო" (ბთ) - "თელავი" [LIVE]](/pictures/image7/657764ee57ee032da5797e3c77c7848c.png "ეროვნული ლიგა. XXXI ტური. \"დინამო\" (ბთ) - \"თელავი\" [LIVE]")
იმედია ბოლომდე გაითვალისწინებენ გულშემატკივარის თხოვნას და მთლიანად ლურჯ სკამებს დააყენებენ ან ლურჯს და თეთრს და არა მანამდე რომ აპირებდნენ რუსეთის დროშის ფერების აწყობას ტრიბუნაზე. ასევე იმედია ამ ანტივანდალურ სკამებს ეს რკინის "დუბინკა" ადვილად არ ეხსნება...