"სამტრედიამ" სომხეთის "ალაშკერტი" დაამარცხა

თურქეთის ქალაქ ანტალიაში გამართული ამხანაგური მატჩი "სამტრედიასა" და სომხურ "ალაშკერტს" შორის ჩვენი გუნდის გამარჯვებით, 2:0 დასრულდა.

შეხვედრაში ანგარიში პირველ ნახევარში გიორგი ჯგერენაიამ გახსნა. მეორე ნახევარში კახა კაჭარავამ ცვლილებები განახორციელა.

თამაშის დასრულებამდე რამდენიმე წუთით ადრე ზურაბ ღირდალაძემ მატჩს საბოლოო წერტილი დაუსვა.

"ალაშკერტთან" მატჩი 7-მა ფეხბურთელმა - რიკარდო პერეირამ, ლაშა თოთაძემ, ანატოლი მესიაჩენკომ, გუჯა რუხაიამ, ნიჯატ ყურბანოვმა, შალვა ნადირაძემ და კონსტანტინე სეფიაშვილმა - გამოტოვა.

ჩვენი გუნდი შემდეგ შეხვედრას უკვე 22 თებერვალს, ყაზახური "ორდაბასის" წინააღმდეგ გამართავს.

"სამტრედიას" შემადგენლობა: სიკაჩი, ინკუმი, ჯგერენაია, კამბა, საჯაია, პავიშიჩი, კერძევაძე, ქოჩლაძე, კვირკვია, ილურიძე, კრსტევსკი