საქართველოს ნაკრების ყოფილმა თავდამსხმელმა და ეროვნული გუნდის ისტორიაში საუკეთესო მეგოლე შოთა არველაძემ Matchtv-სთან საუბრისას დუბლინში მომხდარი ისტორია გაიხსენა, როცა სიკვდილს ძლივს გადაურჩა.
"იმ შეხვედრაში ანგარიშით 0:2 დავმარცხდით და მატჩის შემდეგ კინაღამ მოვკვდი. ძალიან ბევრი "ვოლტარენი" დავლიე. თავბრუსხვევა დამეწყო, გული საშინლად ძლიერად მიცემდა.
მეგონა, რომ იაშვილის მსგავსად, თამაშის წინ მოვიწამლე და უბრალოდ, ბევრ წყალს ვსვამდი, თუმცა უფრო და უფრო ცუდად ვხდებოდი. მუცელში სისხლდენა დამეწყო და სისხლს ვაღებინებდი.
ჩვენთან ერთად მოსკოველი ბიზნესმენი ანზორ კიკალიშვილი იყო და მან მითხრა, რომ ჩემი სასწრაფოდ დუბლინის
კლინიკაში გადაყვანა იყო საჭირო, სადაც, საერთო ჯამში, 4 დღე დავყავი.
მადლობა ღმერთს, რომ თბილისში ეროვნულ გუნდთან ერთად არ გავფრინდი, თორემ არავინ იცის, რა დამემართებოდა", - განაცხადა შოთა არველაძემ.
აღნიშნული მატჩი ზუსტად 17 წლის წინ, 2003 წლის 11 ივნისს გაიმართა და მასპინძელთა რიგებში გოლები დოერთიმ და რობი კინმა გაიტანეს.
არველაძე კარანტინშია - "ფახთაქორი" ჩემპიონატის განახლებისთვის ემზადება
საქართველოში პოლიტიკოსებს ხალხისთვის სულში ჩაფურთხება შეუძლიათ - ინტერვიუ შოთა არველაძესთან
!["უოტფორდის" გულშემატკივრებმა ჩაკვეტაძეს საქართველოს ნაკრების ევროპის ჩემპიონატზე გასვლა მიულოცეს [VIDEO]](/pictures/image7/66ff647a5fc728e56ac248b53cafb697.png "\"უოტფორდის\" გულშემატკივრებმა ჩაკვეტაძეს საქართველოს ნაკრების ევროპის ჩემპიონატზე გასვლა მიულოცეს [VIDEO]")
ბევრი ალბათ იტყვის,რომ საბჭოთა კავშირის დროს უფრო მეტი ძლიერი თავდასხმელები გვყავდა.ჩემის აზრით ფეხბურთელი,რომელიც მხოლოდ საბჭოთა კავშირის საფეხბურთო ჩემპიონატში გამოიჩენდა თავს,ხაზგასმით ავღნიშნავ,რომ მას საერთაშორისო არენაზე საბჭოთა კავშირის ნაკრებში თამაშისას მსოფლიოსა და ევროპის ჩემპიონატებზე საერთოდ არაფრისთვის მიუღწევია,თუნდაც თვითონ პირადად ბევრი არაფერი გაუკეთებია,ამ ფეხბურთელების ქება-დიდება და მათი ლამის მსოფლიოში ფეხბურთის ვარსკვლავებად გამოცხადება არასწორად მიმაჩნია!
აბა დავფიქრდეთ-შოთა არველაძეზე თამაშით უკეთესი თავდასხმელები ხომ მსოფლიო დონის ვარსკვლავები იყვნენ!