თბილისისა და მოსკოვის "დინამოს", ოზურგეთის "მერცხალის", "რომასა" და რუსეთის ნაკრების ექსნახევარმცველმა ომარ თეთრაძემ რუსულ TASS-თან ევროპა ლიგის მე-2 საკვალიფიკაციო ეტაპის მომავალ დაპირისპირებაზე ისაუბრა, რომელშიც ერთმანეთს მოსკოვური "დინამო" და თბილისური "ლოკომოტივი" შეხვდებიან.
"ამ შეხვედრაში ფავორიტი მოსკოვის "დინამოა", თუმცა, თუ "თეთრ-ლურჯები" მეტოქეს სათანადოდ არ შეაფასებენ, შემდეგ ეტაპზე "ლოკომოტივი" გავა. "ლოკო" არაპროგნოზირებადი გუნდია: ახალგაზრდა, მებრძოლი, ფეხბურთის თამაში რომ შეუძლია. ყველა ფეხბურთელი ეცდება თავის წარმოჩენას, 1 მატჩისთვის მომზადება ყველას ხელეწიფება. არ შეიძლება მეტოქეზე ზემოდან შეხედვა, ეს საკითხი არც უნდა იდგეს.
"ლოკომოტივი" გუნდური თამაშით გამოირჩევა,
გარჩეული ლიდერი არ ჰყავთ, დისციპლინირებული, ორგანიზებული კოლექტივია და სიურპრიზის შემოთავაზებაც შეუძლია.
საქართველოს ჩემპიონატში კლუბი მიდმივად მაღალი მიზნებისთვის იბრძვის. ქართული ფეხბურთის მთავარი ბრენდი, მართალია, თბილისის "დინამოა", თუმცა არიან ბათუმის "დინამო" და ქუთაისის "ტორპედო", "საბურთალოს" კარგი გუნდი ჰყავს.
საქართველოში აქცენტს ადგილობრივ ფეხბურთელებზე აკეთებენ, რადგან კვალიფიციური ლეგიონერების ჩასაყვანად ფული არ ჰყოფნით. ეს მთელ ქართულ ფეხბურთს ეხება. გასულ სეზონში ეროვნულ ლიგას ვადევნებდი თვალს, ლეგიონერები ადგილობრივებისაგან ვერაფრით გამოირჩეოდნენ", - განაცხადა თეთრაძემ.
![alt](/pictures/image50/c4e1ab1b2dfe621a3ce263f8fe619be3.png "ომარ თეთრაძემ ქართულ ფეხბურთსა და "ლოკომოტივზე" ისაუბრა")
რუსმა ფანებმა მოსკოვის "დინამოს" დირექტორს უპასუხეს: ქართველები ცუდად არავის ექცევიან, თუ კაცი შენნაირი გან...ნი არაა!![alt](/pictures/image50/fc611199580e463f33f2b55f203b5b0b.jpg "ომარ თეთრაძემ ქართულ ფეხბურთსა და "ლოკომოტივზე" ისაუბრა")
მოსკოვის "დინამოს" დირექტორი: ეს რუსეთ-საქართველოს მატჩია
![ატყდა დავიდარაბა. "სლოვანმა" რუსულ გუნდთან საიდუმლო მატჩი ჩაატარა - კანკავამ გაიტანა, გვილიამ ითამაშა [VIDEO]](/pictures/image7/57f03630e45e20d80b6f88de210dde05.jpeg "ატყდა დავიდარაბა. \"სლოვანმა\" რუსულ გუნდთან საიდუმლო მატჩი ჩაატარა - კანკავამ გაიტანა, გვილიამ ითამაშა [VIDEO]")
