2021 წლის მარტში სლოვენიაში ევროპის U21 ჩემპიონატი ჩატარდება ფეხბურთში და უეფამ უკვე გამოაცხადა ის 12 არბიტრი, რომლებიც ჯგუფურ ეტაპს განსჯიან და მათ შორის ქართველიც არის.
მთავარი მსაჯი გიორგი ყრუაშვილი იქნება, ლევან ვარამიშვილი და ზაზა ფიფია კი - ლაინსმენები. აღსანიშნავია, რომ ამ ტურნირზე მიღებულ მაღალ შეფასებას შეუძლია ქართველი მსაჯების უეფას პირველი კატეგორიის არბიტრაჟში დააწინაუროს, სადაც ჯერ არცერთი ქართველი რეფერი არ არის.
შეჯიბრება 24-31 მარტს გაიმართება და ქართული ბრიგადა, მინიმუმ, 3 შეხვედრას განსჯის. ჯგუფურ ეტაპზე გაწეული საქმიანობა შეფასდება და საუკეთესოები ფინალურ სტადიებზეც
იმუშავებენ.
