„დინამომ“ მოიგერია რა მეტოქის სასტარტო შეტევა, სწრაფი კონტრიერიშით უპასუხა. მარუშიჩი მეკარესთან პირისპირ გაიჭრა, მაგრამ კარგი შანსი ვერ გამოიყენა. სამაგიეროდ, სულ მალე მასპინძელთა მცველების შეცდომით აცილმა ისარგებლა და სტუმრები დააწინაურა. ამის შემდეგ მეტ-ნაკლებად თანაბარი თამაში მიმდინარეობდა, ნაკლებად სანახაობრივი, მოედანზე საინტერესო არაფერი ხდებოდა. საქართველოს ჩემპიონს უჭირდა ბურთის დაჭერა, ინიციატივის დაუფლება. მას ელემენტარულად არ ჰყავს ლიდერი, რომელიც გუნდს წინ გაუძღვება და პირველი ტაიმი 0:1 დასრულდა.
შესვენებაზე „დინამოს“ მწვრთნელმა ცხადაძემ თამაშის გასამწვავებლად ორმაგი ცვლილება განახორციელა - ქარდავასა და გაბედავას ნაცვლად მოედანზე მექვაბიშვილი და ოსეი შეუშვა. ჩვენმა გუნდმა შეუტია, თუმცა რეალურ მომენტამდე საქმე ვერ მიჰყავდა. ჰაიფური გუნდი კი თავს უნარიანად იცავდა და თამაში მისთვის სასურველი სცენარით ვითარდებოდა. 66-ე წუთზე მეირის პასით შეცვლაზე შესულმა დავიდმა მიგინეიშვილის კარი დალაშქრა და „დინამო“ უმძიმეს სიტუაციაში აღმოჩნდა. თუმცა ბოლოს „დინამომ“ დიდი ძალებით შეუტია და პაპავამ ანგარიში შეამცირა.
მოკლედ, "დინამომ" ისევ წააგო, მაგრამ იმის გათვალისწინებით, რომ არც მისი მოწინააღმდეგე წყვეტს ციდან ვარსკვლავებს, ორრაუნდიან დაპირისპირებაში მთლად უშანსოდ არ არის.
ამ გუნდების განმეორებითი შეხვედრა 29 ივლისს ჰაიფაში ჩატარდება.
თბილისი. „დინამო არენა“
დინამო (თბ) - მაკაბი 1:2
გოლები: 0:1 აცილი (8), 0:2 დავიდი (66), 1:2 პაპავა (89)
დინამო (თბ): მიგინეიშვილი, ხვადაგიანი (კობოური 70), პაპავა, ბენიო, სპორკსლედე, ქარდავა (მექვაბიშვილი 46), რადინი (მორჩილაძე 78), ხარაბაძე, კუცია (ქავთარაძე 70), გაბედავა (ოსეი 46), მარუშიჩი
მაკაბი: კოენი, გერშონი, მეირი, პლანიჩი (დაბანი 84), მენაჰემი, აბუ ფანი, როდრიგესი, ჩერი (ლევი 71), აცილი (დავიდი 64), დონიო (საჰარი 63), აზიზა (ასკენაზი 84)
![alt](/pictures/image50/57cef0aef666e6b1d83db6c46105dde5.jpg "ისევ მარცხი - თბილისის "დინამომ" 1:2 წააგო, თუმცა შანსს ინარჩუნებს")
ცხადაძე: კვასხვაძემ გუნდი დატოვა - "ნეფთჩისთან" წაგების გამოყენება შეიძლება
![ეროვნული ლიგა. VIII ტური. "დინამო" (თბ) - "კოლხეთი" [LIVE]](/pictures/image7/561d5ff7131c5b2c63dbc262099c8520.jpg "ეროვნული ლიგა. VIII ტური. \"დინამო\" (თბ) - \"კოლხეთი\" [LIVE]")
![ოქრიაშვილის დაბრუნება - ბათუმის "დინამომ" თბილისის "დინამო" დაამარცხა [VIDEO]](/pictures/image7/fd2a659ebbd43666ba5cdb3b2dce11f8.jpg "ოქრიაშვილის დაბრუნება - ბათუმის \"დინამომ\" თბილისის \"დინამო\" დაამარცხა [VIDEO]")
![ეროვნული ლიგა. VII ტური. "დინამო" (ბთ) - "დინამო" (თბ) [LIVE]](/pictures/image7/e33ce19118a51ddb8f8b709cd95999e2.jpg "ეროვნული ლიგა. VII ტური. \"დინამო\" (ბთ) - \"დინამო\" (თბ) [LIVE]")
!["დილამ", "ტორპედომ" და "სამგურალმა" გაიმარჯვეს [VIDEO]](/pictures/image7/c1628e4fd457a088392d027a0c850394.jpg "\"დილამ\", \"ტორპედომ\" და \"სამგურალმა\" გაიმარჯვეს [VIDEO]")
