საკუთარ მოედანზე 1:0 მოგების შემდეგ „საბურთალოს“ რუმინული ბარიერის გადალახვის იმედი მიეცა. მასპინძლები დებიუტიდანვე დაეუფლნენ უპირატესობას, სტუმრები კი სახიფათო კონტრიერიშებით პასუხობდნენ და ქარდავამ შორიდან ოდნავ ააცილა ბურთი კარს. შუა პირველ ტაიმში ტემპი დაეცა, თამაში გათანაბრდა და 44-ე წუთზე გოლი გავუშვით - კუთხურიდან ჩაწოდებულ ბურთს დავამ თავით მეგრელიშვილის კარში მიუჩინა ადგილი.
შესვენების შემდეგ ეჯუმამ მეორე გოლი გაუტანა ჩვენს გუნდს. მერე შეცვლაზე შესულმა გოშთელიანმა ჯინჯოლავას პასით ანგარიში შეამცირა.
ბუქარესტელები შტურმზე გადავიდნენ, რადუნოვიჩის დარტყმული ბურთი ჯინჯოლავამ ზედ კარის ხაზიდან გამოიტანა, საპასუხო სწრაფი შეტევისას კი ტაბატაძემ ტარნოვიანუს კარი დალაშქრა. სამწუხაროდ, ვიზავიმ კომანის გოლით მალევე მოახერხა კვლავ დაწინაურება. 87-ე წუთზე ჯინჯოლავამ საჯარიმოში მეტოქე წააქცია და რადუნოვიჩმა პენალტით გამარჯვების გოლი გაიტანა.
მიუხედავად მარცხისა, აუცილებელია აღინიშნოს ნოზაძის გუნდის თავდადებული თამაში, რისთვისაც მხოლოდ მადლობას იმსახურებენ.
ამით ქართული საკლუბო ევროსეზონი ისევ წარუმატებლად დასრულდა.
ბუქარესტი. „არენა ნაციონალა“
სტიაუა - საბურთალო 4:2
გოლები: 1:0 დავა (44), 2:0 ეჯუმა (55), 2:1 გოშთელიანი (69), 2:2 ტაბატაძე (78), 3:2 კომანი (80), 4:2 რადუნოვიჩი (87, პენ)
გაძევება: კორდეა (90+4)
სტიაუა: ტარნოვიანუ, ოვიდიუ პოპესკუ, დავა, ტამი, რადუნოვიჩი, ეჯუმა (ლიქსანდრუ 88), ოლარუ, კორდეა, ოქტავიან პოპესკუ, კომანი (უიადა 88), სტოიკა (სუხი 59)
საბურთალო: მეგრელიშვილი, გოჩოლეიშვილი, კაკუბავა, ჩადუნელი, ჯინჯოლავა, შ. ნონიკაშვილი (ო. მამაგეიშვილი 79), ქარდავა (მიოჩი 62), ლ. ნონიკაშვილი, გულიაშვილი (გოშთელიანი 62), ტაბატაძე, სიხარულიძე
![alt](/pictures/image50/b233e101f54c941493b6f02c6a420bf8.jpg ""საბურთალომ" ბოლომდე იბრძოლა, მაგრამ დასანანი მარცხი განიცადა")
შანსი ერთადერთ ქართულ კლუბს და მაინც სავსე სტადიონი ბათუმში - კონფერენს ლიგა
![საქართველოს თასის ფინალური მატჩის შემდეგ, გულშემატკივრებმა სტიუარდებს ფიზიკური შეურაცხყოფა მიაყენეს [VIDEO]](/pictures/image7/f0934612d6018858b98dd76342cf9900.png "საქართველოს თასის ფინალური მატჩის შემდეგ, გულშემატკივრებმა სტიუარდებს ფიზიკური შეურაცხყოფა მიაყენეს [VIDEO]")
![დრამატული ფინალი შეხლა-შემოხლითა და კომპენსირებულ დროში გატანილი გოლით - "საბურთალომ" თასი მოიპოვა [VIDEO]](/pictures/image7/e7cd1ebf6d55c8444c189b08bc806cb2.png "დრამატული ფინალი შეხლა-შემოხლითა და კომპენსირებულ დროში გატანილი გოლით - \"საბურთალომ\" თასი მოიპოვა [VIDEO]")
![საქართველოს თასის ფინალი. "საბურთალო" - "დინამო" (ბთ) [LIVE]](/pictures/image7/bdcde5368c31850f5b494685ea386a73.jpg "საქართველოს თასის ფინალი. \"საბურთალო\" - \"დინამო\" (ბთ) [LIVE]")
![ეროვნული ლიგა. XXXVI ტური. "საბურთალო" - "დინამო" (თბ) [LIVE]](/pictures/image7/8a0a631ffff32500b4e48f615c0b7af5.png "ეროვნული ლიგა. XXXVI ტური. \"საბურთალო\" - \"დინამო\" (თბ) [LIVE]")
როგორც ყოველთვის პირველივე ეტაპზე ყველა ქართული გუნდი ეთიშება ასპარეზობას და ხალხი ამ ყველაფერს კომფორტულად ეგუება.
კომფორმისტი ერი