"ოქრიაშვილი დაგვიკავშირდა და ეს საჩუქარი გადმოგვცა" - თორნიკე საფეხბურთო აკადემიას დაეხმარა

AutoSharing Option
საფეხბურთო აკადემია "უქიმერიონი თბილისი" Facebook-ით სასიამოვნო ამბავს ავრცელებს და საქართველოს ნაკრების ფეხბურთელის თორნიკე ოქრიაშვილის ბრწყინვალე საქციელზე წერს.

როგორც ირკვევა, ოქრიაშვილმა, ზემოთ აღნიშნულ აკადემიას, საჩუქრად ბურთები და სავარჯიშო ინვენტარი გადასცა.

"დღეს ჩვენს ინსტაგრამ გვერდზე, ყველასთვის საყვარელი და გამორჩეული ქართველი ფეხბურთელი თორნიკე ოქრიაშვილი დაგვიკავშირდა.

ოქრიმ ჩვენი დახმარების სურვილი გამოთქვა. ის ჩვენს აკადემიას საჩუქრად ბურთებს და სავარჯიშო ინვენტარს გადასაცემს.

გვინდა მთელი აკადემიის სახელით ოქრის დიდი მადლობა გადავუხადოთ და დიდი წარმატებები ვუსურვოთ ! ", - წერია პოსტში.

აღსანიშნავია, რომ ეს პირველი შემთხვევა არაა, როდესაც
ოქრიაშვილი მსგავს საჩუქარს აკეთებს. მან 3 კვირის წინ 94-ე საჯარო სკოლის გოგონათა საფეხბურთო გუნდს ბურთები და სავარჯიშო ინვერტარი შეუძინა.