20 თებერვალს, ჩემპიონთა ლიგის პირველ 1/8-ფინალურ მატჩში "ატლეტიკომ" 2:0 მოუგო "იუვენტუსს".
შეხვედრის წინ "იუვეს" მწვრთნელმა ალეგრიმ თქვა, რომ "ატლეტიკო" ძლიერი გუნდია, მისი გუნდის უპირატესობა კი რონალდოა და მადრიდშივე უნდა მოეთავებინათ საქმე. ცნობისათვის, ევროტურნირებზე ბოლო 12 საშინაო მატჩიდან როხიბლანკოს 8 ჰქონდა მოგებული და 4 ფრედ დასრულებული.
პირველი ტაიმი დაძაბულ ბრძოლაში წარიმართა, მომენტები ცოტა შეიქმნა და უგოლოდ დასრულდა.
68-ე წუთზე დიეგო კოსტა მორატამ შეცვალა, რომელმაც ბურთი გაიტანა, მაგრამ მსაჯმა მიიჩნია, რომ კიელინიზე მან თამაშის წესები დაარღვია და გოლი არ ჩათვალა. თუმცა, მალე ხიმენესმა მაინც დალაშქრა შესნის კარი, შემდეგ გოდინის დარტყმული ბურთი რონალდოსგან რიკოშეტით ისევ "იუვეს" კარის ბადეში აღმოჩნდა და სიმეონეს გუნდმა 2:0 გაიმარჯვა.
ცნობისათვის, პლეი-ოფის პირველ მატჩში ასეთი ანგარიშით დამარცხების შემდეგ "ბებერი ქალბატონი" არასოდეს არ გასულა შემდეგ ეტაპზე.
დიეგო კოსტამ და პარტიმ მორიგი ყვითელი ბარათები მიიღეს და 12 მარტს საპასუხო შეხვედრას გამოტოვებენ.
მადრიდი. "ვანდა მეტროპოლიტანო". 67 193 მაყურებელი
ატლეტიკო - იუვენტუსი 2:0
გოლები: 1:0 ხიმენესი (78), 2:0 გოდინი (83)
ატლეტიკო: ობლაკი, ხუანფრანი, ხიმენესი, გოდინი, ლუისი, საული, პარტი (ლემარი 71), როდრი, კონტე, კოსტა (მორატა 68), გრიზმანი
იუვენტუსი: შესნი, დე შილიო, ბონუჩი, კიელინი, სანდრო, ბეტანკური, პიანიჩი, მატიუიდი (კანსელუ 85), დიბალა (ბერნარდესკი 80), მანჯუკიჩი, რონალდო
რონალდო თავს იმშვიდებს: მე ჩემპიონთა ლიგა ხუთჯერ მოვიგე, "ატლეტიკომ" - ვერც ერთხელ
დიეგო სიმეონე: რატომ მოვიკიდე კვერცხებზე ხელი? - კვერცხები გვაქვს, დიდი კვერცხები!
მასიმილიანო ალეგრი: არაფერიც არ დასრულებულა - გაიხსენეთ "რეალთან" მატჩი
დიეგო გოდინი: მსაჯის და ვიდეოგამეორების მიერ შექმნილი სირთულეები გადავლახეთ
ჯორჯო კიელინი: ასეთი წაგების შემდეგ მეოთხედფინალში გასვლა გაგვიჭირდება
![ჩემპიონთა ლიგა. 1/4-ფინალი: დიდი ქამბექების საღამო - პსჟ და "დორტმუნდი" ნახევარფინალში გავიდნენ [VIDEO]](/pictures/image7/54ea9c43eaadd6e3922cacc1047f9535.jpg "ჩემპიონთა ლიგა. 1/4-ფინალი: დიდი ქამბექების საღამო - პსჟ და \"დორტმუნდი\" ნახევარფინალში გავიდნენ [VIDEO]")
![ჩემპიონთა ლიგა. 1/4-ფინალი: "ბარსამ", რომელსაც Puta უძახეს, პსჟ-ს მოუგო - "ატლეტიკომ" "დორტმუნდს" სძლია [VIDEO]](/pictures/image7/a6b0aea8db1590dd4ee5888757d08eb1.jpg "ჩემპიონთა ლიგა. 1/4-ფინალი: \"ბარსამ\", რომელსაც Puta უძახეს, პსჟ-ს მოუგო - \"ატლეტიკომ\" \"დორტმუნდს\" სძლია [VIDEO]")
!["ბარსელონამ" "ატლეტიკო" მადრიდში უშანსოდ დაამარცხა [VIDEO]](/pictures/image7/c99a5b59e4bdf04400448318bd29e2c9.jpg "\"ბარსელონამ\" \"ატლეტიკო\" მადრიდში უშანსოდ დაამარცხა [VIDEO]")
![ჩემპიონთა ლიგა. 1/8-ფინალი: დრამა მადრიდში - ყველა მეოთხედფინალისტი გაირკვა [VIDEO]](/pictures/image7/9a2d68306d5b6a671b2cfba2f3a0d8a9.jpg "ჩემპიონთა ლიგა. 1/8-ფინალი: დრამა მადრიდში - ყველა მეოთხედფინალისტი გაირკვა [VIDEO]")
