5 ნოემბერს ჩემპიონთა ლიგის მე-4 ტურის პირველი სათამაშო დღის დარჩენილი მატჩები ჩატარდა და თანაც, რა მატჩები!
E ჯგუფი
"ლივერპულმა" სახლში "გენკთან" თამაშის შემოტრიალება მოახერხა, 2:1 გაიმარჯვა და 9 ქულით ლიდერია.
ლივერპული. "ენფილდი". 52 611 მაყურებელი
ლივერპული - გენკი 2:1
გოლები: 1:0 ვეინალდუმი (14), 1:1 სამატა (40), 2:1 ოქსლეიდ-ჩემბერლენი (53)
"ნაპოლი" უხეიროდ ასპარეზობას აგრძელებს, ვერც ბაზაზე გამოკეტვამ უშველა და სახლში "ზალცბურგთან" ფრეს, 1:1 დასჯერდა. თუმცა, 8 ქულით მეორე ადგილზეა და მესამედგილოსან "ზალცბურგს" 4 ქულით უსწრებს.
"ზალცბურგის" 19 წლის თავდამსხმელმა
ჰოლანმა ტურნირზე მეშვიდე გოლი გაიტანა და ბომბარდირია.
ნეაპოლი. "სან პაოლო". 32 862 მაყურებელი
ნაპოლი - ზალცბურგი 1:1
გოლები: 0:1 ჰოლანი (11, პენ), 1:1 ლოზანო (43)
F ჯგუფი
იმას, რაც "დორტმუნდმა" მოახერხა, მხოლოდ სასწაული შეიძლება უწოდო - ხუმრობა საქმე ხომ არაა, დაცვით ქებულ კონტეს გუნდს თამაში 0:2-დან შემოუტრიალო! - გერმანულმა გუნდმა "ინტერს" 3:2 მოუგო და 7 ქულით მეორე ადგილზეა. ლიდერი 8 ქულით "ბარსელონაა", ხოლო "ინტერი" 4 ქულით მესამე პოზიციაზეა.
მარტინესი უკანასკნელ 9 წელიწადში "ინტერის" პირველი ფეხბურთელია, რომელმაც ჩემპიონთა ლიგის მიჯრით 3 მატჩში გაიტანა გოლი.
დორტმუნდი. "სიგნალ იდუნა პარკი". 66 099 მაყურებელი
დორტმუნდი - ინტერი 3:2
გოლები: 0:1 მარტინესი (5), 0:2 ვესინო (40), 1:2 ჰაკიმი (51), 2:2 ბრანდტი (64), 3:2 ჰაკიმი (77)
G ჯგუფი
"ლიონმა" "ბენფიკა" 3:1 დაჯაბნა, 7 ქულით მეორე ადგილზეა და მესამე პოზიციაზე მყოფ "ზენიტს" 3 ქულით უსწრებს. ლიდერი კი 9 ქულით შესანიშნავ ფორმაში მყოფი "ლაიპციგია".
ლიონი. "გრუპამა სტედიუმი". 51 077 მაყურებელი
ლიონი - ბენფიკა 3:1
გოლები: 1:0 ანდერსენი (4), 2:0 დეპაი (33), 2:1 სეფეროვიჩი (76), 3:1 ტრაორე (89)
H ჯგუფი
საოცარი მატჩი გაიმართა "სტემფორდ ბრიჯზე", სადაც "აიაქსი" 4:1-ს იგებდა. შემდეგ ასპილიკუეტამ ანგარიში 2:4 გახადა. 68-ე წუთზე იტალიელმა მსაჯმა ჯანლუკა როკიმ ბლინდი გააძევა. 69-ეზე ველტმანი და ამსტერდამელები მოედანზე ორკაცნაკლულები დარჩნენ. ამით "ჩელსიმ" ისარგებლა და ფრეს მიაღწია.
მცველმა რის ჯეიმსმა ანგარიში გაათანაბრა და ის ტურნირზე "ჩელსის" ისტორიაში გოლის ყველაზე ახალგაზრდა ავტორია - 19 წლის და 332 დღის.
"ჩელსი" 2005 წლის შემდეგ პირველი ინგლისური გუნდია, რომელიც 3 ბურთით აგებდა და მატჩის გადარჩენა მოახერხა.
"ჩელსიმ" ჩემპიონთა ლიგაზე პირველ ტაიმში 3 გოლი პირველად გაუშვა.
"აიაქსმა" პირველ ტაიმში მეტოქის კარში ერთხელ დაარტყა და 3 გოლი გაიტანა - 2 ავტოგოლი იყო.
![alt](/pictures/image50/74b6bc3ea51b3985888fa6c157f435ff.jpg "ჩემპიონთა ლიგა. IV ტური: "დორტმუნდის" საოცარი ქამბექი - "აიაქსი" მსაჯმა გაწირა [VIDEO]")
"აიაქსის" მცველი: პენალტი არ იყო და რატომ გამაძევა?ლონდონი. "სტემფორდ ბრიჯი". 39 132 მაყურებელი
ჩელსი - აიაქსი 4:4
გოლები: 0:1 აბრაჰამი (2 საკ. კარში), 1:1 ჟორჟინიო (4, პენ), 1:2 პრომესი (20), 1:3 კეპა (35 საკ. კარში), 1:4 ვან დე ბეკი (55), 2:4 ასპილიკუეტა (63), 3:4 ჟორჟინიო (71, პენ), 4:4 ჯეიმსი (74)
გაძევება: ბლინდი (68), ველტმანი (69)
"ლილი" ძალიან გაუძალიანდა გასვლაზე "ვალენსიას", თუმცა ბოლოს მასპინძლებმა დაჯაბნეს და 3:1 გაიმარჯვეს.
ვალენსია. "მესტალია". 38 252 მაყურებელი
ვალენსია - ლილი 4:1
გოლები: 0:1 ოსტიჰემი (25), 1:1 პარეხო (66, პენ), 2:1 სოუმაორო (82, საკ. კარში 82), 3:1 კონდოგბია (84), 4:1 ტორესი (90)
ამ ჯგუფში 7-7 ქულა "აიაქსს", "ჩელსის" და "ვალენსიას" აქვთ და მეტად დაძაბული ფინიშია მოსალოდნელი.
![alt](/pictures/image50/effe3e09e0ea64e327b8710067441ae0.jpg "ჩემპიონთა ლიგა. IV ტური: "დორტმუნდის" საოცარი ქამბექი - "აიაქსი" მსაჯმა გაწირა")
ჩემპიონთა ლიგა. IV ტური: "ბარსელონა" ფრეს დასჯერდა, "ზენიტმა" კი "გაზპრომზე გაზი გაუშვა" [VIDEO]
![ევროპა ლიგა. 1/4-ფინალი: "ატალანტამ" "ლივერპული" გამოაგდო, "რომამ" მილანი" - "ბაიერი" და "მარსელიც" გავიდნენ [VIDEO]](/pictures/image7/15f2a4560209ca612ad928d55522900c.jpg "ევროპა ლიგა. 1/4-ფინალი: \"ატალანტამ\" \"ლივერპული\" გამოაგდო, \"რომამ\" მილანი\" - \"ბაიერი\" და \"მარსელიც\" გავიდნენ [VIDEO]")
![ჩემპიონთა ლიგა. 1/4-ფინალი: დიდი ქამბექების საღამო - პსჟ და "დორტმუნდი" ნახევარფინალში გავიდნენ [VIDEO]](/pictures/image7/54ea9c43eaadd6e3922cacc1047f9535.jpg "ჩემპიონთა ლიგა. 1/4-ფინალი: დიდი ქამბექების საღამო - პსჟ და \"დორტმუნდი\" ნახევარფინალში გავიდნენ [VIDEO]")
![ევროპა ლიგა. 1/4-ფინალი: შოკირებული "ენფილდი", "ბაიერის" მორიგი გამარჯვება და "რომას" მიერ ძლეული "მილანი" [VIDEO]](/pictures/image7/9d0bb1fd87cdcd129cf6b08e80b4b6e0.jpg "ევროპა ლიგა. 1/4-ფინალი: შოკირებული \"ენფილდი\", \"ბაიერის\" მორიგი გამარჯვება და \"რომას\" მიერ ძლეული \"მილანი\" [VIDEO]")
