ბრიტანელმა მსაჯმა მარტინ კლატენბურგმა მადრიდის "რეალსა" და "ატლეტიკოს" (1:1, 5:3 პენალტების სერიაში) შორის გამართული 2015-16 წლების სეზონის ჩემპიონთა ლიგის ფინალი გაიხსენა.
"სულ მეკითხებიან 2015-16 წლების ჩემპიონთა ლიგის ფინალზე. პეპე მუდმივად გაზონზე წვებოდა, მე კი ვფიქრობდი: "ასეთი ძლიერი ბიჭი ასე მგრძნობიარე როგორ უნდა იყოს?!"
ორჯერ ცდილობდა ჩემ მოტყუებას, "ატლეტიკოს" ფეხბურთელი რომ გამეძევებინა. სხვა არბიტრს, შესაძლოა, დაეჯერებინა კიდეც მისთვის, თუმცა მე კარგად მოვემზადე შეხვედრისთვის და პეპეს სათამაშო მანერაც შევისწავლე.
პეპე ისეთი ფეხბურთელია, რომელსაც არ უნდა დაუჯერო. შეიძლება თამაში ადვილი და გასაგები იყოს,
თუმცა ის რაღაც მზაკვრობის გაკეთებას შეეცდება.
იმ მატჩში "რეალი" ანგარიშით 1:0 დაწინაურდა, მაგრამ გოლი მცირე თამაშგარე მდგომარეობაში გაიტანეს. ეს შესვენებისას გავიგეთ, ჩემს ასისტენტს ეს მომენტი გამორჩა.
თუმცა მეორე ტაიმის დასაწყისში "ატლეტიკოს" პენალტი დავუდე, როცა პეპემ ფერნანდო ტორესის წინააღმდეგ დაარღვია თამაშის წესები. პეპე გაოცებული იყო და სუფთა ინგლისურით მითხრა: "არანაირი პენალტი არ ყოფილა, მარკ". მე კი ვუპასუხე: "ეს თქვენი პირველი გოლი არ უნდა ჩათვლილიყო". ჩემმა ფრაზამ ის გააჩუმა.
შეიძლება ხალხმა იფიქროს, რომ უცნაურად ჟღერს, რადგან ორი არასწორი გადაწყვეტილება ერთ სწორ გადაწყვეტილებად არ იქცევა. თუმცა მსაჯები ასე არ თვლიან, ფეხბურთელები - კი.
პეპე მუდმივად გეკამათება და მის მატჩებს სჯი, ყოველთვის მოწოდების სიმაღლეზე უნდა იყო", - უთხრა კლატენბურგმა Daily Mail-ს.
![alt](/pictures/image50/be4d709ac00605e999db3609ed7239a7.jpg "ჩემპიონთა ლიგის ფინალის მსაჯი: "რეალის" გოლი არ უნდა ჩამეთვალა, სამაგიეროდ...")
პეპე: ჩემ მისვლამდე "რეალი" ცენტრალური მცველების სასაფლაო იყო![alt](/pictures/image50/4f2132fde04c3480101734a02dd126f0.jpg "ჩემპიონთა ლიგის ფინალის მსაჯი: "რეალის" გოლი არ უნდა ჩამეთვალა, სამაგიეროდ...")
პეპე თამაშისას ჩხუბის შემდეგ შეიძლებოდა ტაქსისტი გამხდარიყო
![ჩემპიონთა ლიგა. 1/4-ფინალი: დიდი მატჩები - "რეალმა" "სიტის", ხოლო "ბაიერნმა" "არსენალს" სძლია [VIDEO]](/pictures/image7/515b8298bc3e954e19bbd6aeee36feff.jpg "ჩემპიონთა ლიგა. 1/4-ფინალი: დიდი მატჩები - \"რეალმა\" \"სიტის\", ხოლო \"ბაიერნმა\" \"არსენალს\" სძლია [VIDEO]")
![ჩემპიონთა ლიგა. 1/4-ფინალი: დიდი ქამბექების საღამო - პსჟ და "დორტმუნდი" ნახევარფინალში გავიდნენ [VIDEO]](/pictures/image7/54ea9c43eaadd6e3922cacc1047f9535.jpg "ჩემპიონთა ლიგა. 1/4-ფინალი: დიდი ქამბექების საღამო - პსჟ და \"დორტმუნდი\" ნახევარფინალში გავიდნენ [VIDEO]")
![ჩემპიონთა ლიგა. 1/4-ფინალი: "ბარსამ", რომელსაც Puta უძახეს, პსჟ-ს მოუგო - "ატლეტიკომ" "დორტმუნდს" სძლია [VIDEO]](/pictures/image7/a6b0aea8db1590dd4ee5888757d08eb1.jpg "ჩემპიონთა ლიგა. 1/4-ფინალი: \"ბარსამ\", რომელსაც Puta უძახეს, პსჟ-ს მოუგო - \"ატლეტიკომ\" \"დორტმუნდს\" სძლია [VIDEO]")
