უცხოური ფეხბურთი

ჩემპიონთა ლიგა

ტომას ტუხელი: კილიან მბაპე "ატალანტასთან" ითამაშებს

AutoSharing Option
პსჟ-ის მწვრთნელმა ტომას ტუხელმა ჩემპიონთა ლიგის 1/4-ფინალში "ატალანტასთან" მომავალ დაპირისპირებაზე ისაუბრა.

"თუ მბაპე კარგ ვარჯიშს ჩაატარებს და რაიმე არაორდინარული არ მოხდება, ის გუნდთან ერთად იქნება. ჩვენ მისი მწყობრში ჩადგომა ძალიან გვახარებს.

რაც შეეხება ნეიმარს, შემექმნა შთაბეჭდილება, რომ მასზე ყოველთვის ძლიერ ზეწოლას ახორციელებენ, მაგრამ ეს მოსწონს. ამას მიჩვეულია.

მბაპეს და ნეიმარს ერთად თამაში უყვართ. ნეიმარი დიდ მატჩებში გადამწყვეტ როლს თამაშობს და დარწმუნებული ვარ, შეუძლია ჩვენთვის საკვანძო ფიგურა გახდეს. ამის საჭირო უნარი გააჩნია", - ციტირებს ტუხელს Goal-ი.

მბაპემ ტრავმა 24 ივლისს საფრანგეთის
თასის ფინალში, "სენტ ეტიენთან" (1:0) მიიღო.

პსჟ-ისა და "ატალანტას" შეხვედრა დღეს, 12 აგვისტოს, თბილისის დროით 23:00 საათზე დაიწყება.