დღეს "შახტარი" "ინტერს" მასპინძლობს.შეგახსენებთ, დავით ხოჭოლავა უკრაინელთა რიგებში ასპარეზობს.
პირველ ტურში დონეცკელებმა მადრიდის "რეალი" 3:2 დაამარცხეს და უმნიშვნელოვანესი გამარჯვება მოიპოვეს. ქართველი ძირითად შემადგენლობაში იყო და ძალიან კარგი მატჩიც ჩაატარა. სწორედ ამიტომ, დღეს, დიდი ალბათობით, მას მოუწევს ლუკაკუ-ლაუტაროს წყვილთან თამაში.
ამ გუნდების ბოლო შეხვედრა ევროპა ლიგის ნახევარფინალში შედგა, სადაც "ინტერმა" 5 უპასუხო ბურთი გაიტანა და მოწინააღმდეგე გაანადგურა.
ორივე გუნდი დიდი დანაკლისით ხვდება დღევანდელ მატჩს.
"შახტარი" - ისმაილი, კონოპლიანკა, კოვალენკო, კრისტოვი და მორაესი.
"ინტერი" - გალიარდინი, ვესინო, რადუ, სანჩესი და შკრინიანრი.
სავარაუდო შემადგენლობა:
"შახტარი" - ტრუბინი, დოდო, ბონდარი, ხოჭოლავა, კორნიენკო, მაიკონი, ტეტე, მარლოსი, ალან პატრიკი, სოლომონი და დენტნიო.
"ინტერი" - ჰანდანოვიჩი, ამბროსიო, ბასტონი, კოლაროვი, ბროზოვიჩი, ბარელა, ვიდალი, ერიკსენი, პერისიჩი, მარტინესი და ლუკაკუ.
![alt](/pictures/image50/a765850323e095d6462d6686bbd5d01f.jpg "PREVIEW - "შახტარი" - "ინტერი". ხოჭოლავას კიდევ ერთი რთული მატჩი")
PREVIEW - ჩემპიონთა ლიგის მე-2 ტური
