ჩემპიონთა ლიგაზე "ბარსას" წინააღმდეგ ჰეთ-თრიკი მხოლოდ 3 ფეხბურთელს აქვს შესრულებული. ერთ-ერთი მათგანის თამაში ჩვენ გუშინ, 16 თებერვალს ვნახეთ, იქამდე კი ორმა მოთამაშემ შეაგდო "ბარსელონას" კარში 3 ბურთი ერთ თამაშში. ორივემ ეს 1997 წელს გააკეთა. ჯერ ფაუსტინო ასპრილიამ, "ნიუკასლის" მაისურით, საშინაო მატჩში გაიფორმა ჰეთ-თრიკი "ბლაუგრანას" წინააღმდეგ (3:2), შემდეგ ანდრეი შევჩენკომ "ნოუ კამპზე" დაამწუხრა "ლურჯ-წითლები".
მნიშვნელოვანია ერთი დეტალი: კიევის "დინამომ" "ბარსელონას" საკუთარ კედლებში 3:0 სძლია, 1 კვირის შემდეგ კი კატალონიაში ჩავიდა, რომლებსაც შურისძიება სურდათ. ფიგუმ სამეფო განწყობა გაახმოვანა: "სკალპებს ავხდით!“
არაფერი მსგავსი, მიახლოებულიც კი არაფერი ყოფილა, პირიქით - შევჩენკომ, რომელიც კიევში ჩუმად იყო, პირველივე ტაიმში "ბარსელონა" გაანადგურა და 3 გოლი გაუტანა,; მეორე ნახევარში სერგეი რებროვმა მე-4 გოლი გაიტანა და "ბლაუგრანას" წამებას წერტილი დაუსვა.
ანდრეიმ ანგარიში მე-9 წუთზე გახსნა და საჯარიმოში ჩაწოდებულ ბურთს თავი სწორად დაუხვედრა. 32-ე წუთზე კი კარიდან არადამაჯერებლად გამოსულ ვიტორ ბაიას აჯობა. შემდეგ დრიბლინგით კოუტოსა და ბარხუანს აჯობა, პენალტი მოინადირა და თავადვე ოსტატურად შეასრულა!
კომენტატორმა ალეკსეი სემენენკომ ფიგუს უპასუხა: "ისინი "დინამოს" ფეხბურთელებისთვის სკალპის ახდას შეგვპირდნენ, არადა, ჩვენი ბიჭების წინაშე თავად ჩაიხადეს".
ანდრეი შევჩენკოსთვის 1997/98 წლების სეზონი გარდამტეხი იყო: 21 წლის ფორვარდმა (მბაპეს ამჟამინდელ ასაკზე ახალგაზრდა) ჩემპიონატში 19 გოლი შეაგდო, ქვეყნის თასზე - 8, ხოლო ჩემპიონთა ლიგაზე კი - 6.
"ბარსას" წინააღმდეგ დაუჯერებლად მაგარმა თამაშმა ახალბედა ფორვარდი მთელ ევროპას გააცნო. ლობანოვსკის "დინამო" ჯგუფიდან 1-ლი ადგილით გავიდა პლეი-ოფში, ხოლო "ბარსელონამ" ბოლო ადგილი დაიკავა.
"ცხადია, მჯეროდა. ვფიქრობ, ასეთ თამაშებში მონაწილეობას აზრი არ აქვს, თუ საკუთარი თავის არ გწამს", - თქვა შევჩენკომ მატჩის შემდეგ.
შევჩენკოს როგორი კარიერაც ჰქონდა, ამაზე წერას აქ არ დავიწყებთ. მბაპეს, მართალია, მსოფლიო ჩემპიონის მედალი აქვს, მაგრამ, აი, საკლუბო დონეზე მხოლოდ საფრანგეთში მოპოვებული ჯილდოებით კმაყოფილდება.
![alt](/pictures/image50/7c655f95b829d14d45186dd669c4a253.jpg "სკალპების ახდის ნაცვლად ჰეთ-თრიკი "ბარსას" კარში მბაზე ახალგაზრდამ შეასრულა [VIDEO]")
ჩემპიონთა ლიგა. 1/8-ფინალი: დაჯაბნილი "ბარსა" და "ლაიპციგი" - "ლივერპული" და პსჟ ცალი ფეხით მეოთხედფინალში არიან [VIDEO]
!["რეალში" ჯერ კიდევ არგადასული მბაპე "ბარსელონას" ფანებს უკვე შესძულდებათ - ნახეთ, რა უთხრა გასახდელისკენ მიმავალმა ფრანგმა კატალონიელთა გულშემატკივრებს [VIDEO]](/pictures/image7/c8d0781634d40a75628d9109aff3fe43.jpeg "\"რეალში\" ჯერ კიდევ არგადასული მბაპე \"ბარსელონას\" ფანებს უკვე შესძულდებათ - ნახეთ, რა უთხრა გასახდელისკენ მიმავალმა ფრანგმა კატალონიელთა გულშემატკივრებს [VIDEO]")
