ჩემპიონთა ლიგაზე მესამე საკვალიფიკაციო ეტაპის განმეორებითი მატჩები ჩატარდა და პლეი-ოფის წყვილები გაირკვა.
"ფერენცვაროში" პრაღაში 0:1 დამარცხდა "სლავიასთან", მაგრამ პირველი შეხვედრა 2:0 ჰქონდა მოგებული და შემდეგ ეტაპზე გავიდა. სტუმართა გუნდის განაცხადში კვლავ არ იყვნენ ლაშა დვალი და გიორგი ხარაიშვილი. პლეი-ოფში კი უნგრული კლუბი "იანგ ბოიზს" შეხვდება, რომელმაც ჩემპიონთა ლიგის მეორე საკვალიფიკაციო ეტაპიდან გათამაშებას ჯაბა კანკავასა და გურამ კაშიას "სლოვანი" გამოთიშა.
"ბენფიკამ" ისევ 2:0 სძლია "სპარტაკს", ერთი გოლი კი მოსკოველებს უკრაინელმა თავდამსხმელმა რომან იარემჩუკმა გაუტანა, რომელიც ლისაბონურ გუნდში "გენტიდან" ახლახან გადავიდა. არადა,
შეხვედრის წინ "სპარტაკის" პორტუგალიელი მწვრთნელი ლუი ვიტორია ამბობდა, რომ მეტოქეს გააკვირვებდნენ.
sports.ru წერს, რომ "სპარტაკს" მისი მფლობელის, ლეონიდ ფედუნის მეუღლე ზარემა სალიხოვა მართავს და სასტარტო შემადგენლობას ფეხბურთელთა ჰოროსკოპის მიხედვით აყენებს, ხოლო ამისათვის კვირის მიხედვით ასტროლოგ პაველ გლობას პროგნოზს იყენებს - მაგალითად, შემადგენლობაში მოხვდნენ ისინი, რომლებსაც ვარსკვლავები წარმატებულ დღეებს უწინასწარმეტყველებდნენ.
პლეი-ოფის წყვილები:
"ინგ ბოიზი" - "ფერენცვაროში"
"შერიფი" - "დინამო" (ზაგრები)
"ზალცბურგი" - "ბრონდბიუ"
"მალმიო" - "ლუდოგორეცი"
"მონაკო" - "შახტარი"
"ბენფიკა" - პსვ
მატჩები 17/18 და 24/25 აგვისტოს გაიმართება.
![alt](/pictures/image50/3046dbc5ab5517b9c23c550d2838a9dd.jpeg "იარემჩუკმა "სპარტაკს" გაუტანა - ზარემამ შემადგენლობა ჰოროსკოპის მიხედვით დააყენა")
"შენი ბოზი ცოლი დაადუმე" - "სპარტაკის" ფანები კლუბის მფლობელს მოუწოდებენ
![ევროპა ლიგა. 1/4-ფინალი: "ატალანტამ" "ლივერპული" გამოაგდო, "რომამ" მილანი" - "ბაიერი" და "მარსელიც" გავიდნენ [VIDEO]](/pictures/image7/15f2a4560209ca612ad928d55522900c.jpg "ევროპა ლიგა. 1/4-ფინალი: \"ატალანტამ\" \"ლივერპული\" გამოაგდო, \"რომამ\" მილანი\" - \"ბაიერი\" და \"მარსელიც\" გავიდნენ [VIDEO]")
![ევროპა ლიგა. 1/4-ფინალი: შოკირებული "ენფილდი", "ბაიერის" მორიგი გამარჯვება და "რომას" მიერ ძლეული "მილანი" [VIDEO]](/pictures/image7/9d0bb1fd87cdcd129cf6b08e80b4b6e0.jpg "ევროპა ლიგა. 1/4-ფინალი: შოკირებული \"ენფილდი\", \"ბაიერის\" მორიგი გამარჯვება და \"რომას\" მიერ ძლეული \"მილანი\" [VIDEO]")
