28 სექტემბერს ჩემპიონთა ლიგის ჯგუფური ეტაპის მეორე ტური ორი მატჩით დაიწყო.C ჯგუფში "აიაქსმა"შინ "ბეშიქთაშს"2:0 სძლია, მეორე გამარჯვება მოიპოვა და 19 ოქტომბერს "დორტმუნდს"უმასპინძლებს.
"აიაქსის"27 წლის ფრანგმა თავდამსხმელმა სებასტიან ალერმა ტურნირზე ჩატარებულ პირველ ორ მატჩში ხუთი გოლი გაიტანა, რაც რეკორდია. სტივენ ბერგჰუისმა გოლი გაიტანა და საგოლე გადაცემა გააკეთა.
ნიდერლანდურმა გუნდმა ყველა ტურნირზე ზედიზედ მეშვიდე გამარჯვება საერთო ანგარიშით 31:1 მოიპოვა.
D ჯგუფში უკრაინის დედაქალაქში "შახტარი" და "ინტერი" დაზავდნენ. ამ გუნდების შეხვედრა უკვე მესამედ დასრულდა უგოლოდ. აღსანიშნავია, დონეცკელების მეკარის, ანდრეი
პიატოვის შესანიშნავი სეივები შეხვედრის მიწურულს.
"ნერაძურიმ"ჩემპიონთა ლიგაზე უკანასკნელი 9 შეხვედრიდან მხოლოდ 1 მოიგო, 4 ფრედ დაასრულა, 4 კი წააგო.
C ჯგუფი
ამსტერდამი. "იოჰან კრუიფი“
აიაქსი - ბეშიქთაში 2:0
გოლები: 1:0 ბერგჰუისი (17), 2:0 ალერი (43)
D ჯგუფი
კიევი. "ოლიმპისკი“
შახტარი - ინტერი 0:0
![alt](/pictures/image50/060195c24a0acdcc7a509389f5071821.png "ჩემპიონთა ლიგა. II ტური: შეუჩერებელი ალერი და "აიაქსი" - "შახტარისა" და "ინტერის" მესამე უგოლო მატჩი")
[PREVIEW] ყატარული მილიარდები საემიროების წინააღმდეგ - შეიხების ჯახი საფეხბურთო მოლოდინებით
