ჩემპიონთა ლიგა. IV ტური: "ლივერპული" და "აიაქსი" პლეი-ოფში და პსჟ-ის აუტსაიდერ "ლაიპციგთან" ხელიდან გაშვებული გამარჯვება [VIDEO]

A ჯგუფში „მანჩესტერ სიტიმ“ „ბრიუგეს“ ისევ სძლია და 9 ქულით ლიდერია.

პსჟ მესის გარეშე სტუმრად „ლაიპციგთან“ ფრეს დასჯერდა. თავიდან მასპინძლები ნკუნკუმ დააწინაურა. ნეიმარმა და მბაპემ ვერ გაიტანეს, სამაგიეროდ, ვეინალდუმმა დუბლი შეასრულა, რომელსაც აქამდე პარიზულ გუნდში გოლი გატანილი არ ჰქონდა და „პარი სენ ჟერმენი“ მოგებასთან ახლოს იყო, მაგრამ კომპენსირებულ დროში სობოსლაიმ პენალტით ანგარიში გაათანაბრა და თავის გუნდს პირველი ქულა მოუპოვა.

B ჯგუფში „ლივერპულმა“ ისევ მოუგო „ატლეტიკოს“, რომელიც ფელიპეს გაძევების გამო 36-ე წუთზე რიცხობრივ უმცირესობაში დარჩა. კლოპის გუნდმა ოთხივე შეხვედრაში იმარჯვა და პირველი ადგილი და პლეი-ოფის საგზური გაინაღდა.

C ჯგუფში 29-ე წუთიდან კაცნაკლული „დორტმუნდი“ შინ „აიაქსთან“ დაწინაურდა, მაგრამ მეორე ტაიმში ამსტერდამულმა გუნდმა გამარჯვების მოპოვება შეძლო, 12 ქულით ლიდერია და შემდეგი ეტაპის საგზური გაიფორმა.

„სპორტინგმა“ „ბეშიქთაში“ კვლავ გაანადგურა და ჯგუფში ჩატოვა.

D ჯგუფში „შერიფმა“ სენსაციური სტარტის შემდეგ „ინტერთან“ ზედიზედ მეორე მარცხი განიცადა და მესამე ადგილზე დაქვეითდა.

A ჯგუფი

მანჩესტერი. „ეტიჰადი“
მანჩესტერ სიტი - ბრიუგე 4:1
გოლები: 1:0 ფოდენი (15), 1:1 სტოუნზი (17, საკ.კარში), 2:1 მარეზი (54), 3:1 სტერლინგი (72), 4:1 გაბრიელ ჟეზუსი (90+2)

ლაიპციგი. „რედ ბული“
ლაიპციგი - პსჟ 2:2
გოლები: 1:0 ნკუნკუ (8), 1:1 ვეინალდუმი (21),1:2 ვეინალდუმი (39), 2:2 სობოსლაი (90+2, პენ)
გამოუყენებელი პენალტი: ანდრე სილვა (12)

B ჯგუფი

ლივერპული. „ენფილდი“
ლივერპული - ატლეტიკო 2:0
გოლები: 1:0 ჟოტა (13), 2:0 მანე (21)

C ჯგუფი

დორტმუნდი. „იდუნა პარკი“
დორტმუნდი - აიაქსი
გოლები: 1:0 როისი (37, პენ), 1:1 ტადიჩი (72), 1:2 ალერი (83), 1:3 კლასენი (90+3)

ლისაბონი. „ხოსე ალვალადე“
სპორტინგი - ბეშიქთაში 4:0
გოლები: 1:0 პოტე (31, პენ), 2:0 პოტე (38), 3:0 პაულინიო (41), 4:0 სარაბია (56)
გაძევება: დე სოუზა (90, ბეშიქთაში)

D ჯგუფი

ტირასპოლი. „სპორტარენა“
შერიფი - ინტერი 1:3
გოლები: 0:1 ბროზოვიჩი (54), 0:2 შკრინიარი (66), 0:3 სანჩესი (82), 1:3 ტრაორე (90+2)

. „ატლეტიკომ“ ჩემპიონთა ლიგაზე ზედიზედ მეორე მატჩში პირველ ტაიმში გაუშვა ორი გოლი, რაც პირველად მოხდა.