"ეს რომ რუსეთში მომხდარიყო..." - არშავინი ლიგის ფინალის წინ მომხდარ ინციდენტს გამოეხმაურა

ყოფილმა რუსმა ფეხბურთელმა ანდრეი არშავინმა ჩემპიონთა ლიგის ფინალის მატჩის წინ მომხდარ ინციდენტზე ისაუბრა.

როგორც იცით, ეს დაპირისპირება სანქტ-პეტერბურგში უნდა გამართულიყო, თუმცა ცნობილი მოვლენების გამო შეხვედრა უეფამ პარიზში გადაიტანა, რაც არშავინის აზრით, უსამართლო გადაწყვეტილება იყო.

მისივე თქმით, მატჩის წინ არეულობა რუსეთში რომ მომხდარიყო, მაშინ რუსებს ძალიან გააკრიტიკებდნენ.

"არ მაინტერესებს, სად ჩატარდა ფინალი, რადგან ის სანქტ-პეტერბურგში უნდა გამართულიყო... ეს არეულობა ჩემს ქვეყანაში რომ მომხდარიყო?! - დარწმუნებული ვარ, რომ მაშინ ძალიან გაგვაკრიტიკებდნენ", - ამბობს არშავინი.

შეგახსენებთ, რომ "ლივერპულისა" და "რეალის" დაპირისპირებაზე შესვლა უბილეთო ფანებმა სცადეს, რამაც არეულობა და ბილეთის მქონე ადამიანების სტადიონს მიღმა დარჩენა გამოიწვია.