ზინედინ ზიდანი: ეს ჩემი პირადი ჩავარდნაა

"ლეგანესთან" ესპანეთის თასის განმეორებით მატჩში დამარცხების შემდეგ "რეალის" მწვრთნელმა ზინედინ ზიდანმა კომენტარი გააკეთა:

"აშკარაა, ეს ჩემი პირადი ჩავარდნაა. შედეგზე პასუხისმგებელი მე ვარ. ჩვენი ფეხბურთი არ გვითამაშია, განსაკუთრებით პირველ ტაიმში. ისე არ გავისარჯეთ, როგორც საჭირო იყო.

კლუბში ყველასთვის ეს ძალზედ რთული, მტკივნეული მომენტია. ამას გავაანალიზებთ, განსაკუთრებით მე. ჩვენ დრო გვქონდა, მაგრამ ვერ გამოვასწორეთ მდგომარეობა.

ახლა მომდევნო მატჩებზე ფიქრია საჭირო, უქმეებზე კიდევ ერთი შეხვედრა გვაქვს. სხვა გზა გარდა მუშაობის გაგრძელებისა არა გვაქვს".