ლეგენდარულმა ბრაზილიელმა ფეხბურთელმა რონალდინიომ იმის შესახებ ისაუბრა, თუ რატომ არჩია "ბარსელონა" "მანჩესტერ იუნაიტედს". "თითქმის უკვე "მანჩესტერის" ფეხბურთელი ვიყავი და კონტრაქტის გასაფორმებლად მხოლოდ მცირე დეტალები იყო დარჩენილი.
"ბარსელონას" პრეზიდენტის არჩევნებამდე 48 საათი იყო დარჩენილი, იქამდე კი სანდრო როსელმა დამირეკა და მკითხა, თუ კატალონიელთა პრეზიდენტი გახდებოდა, გადავიდოდი თუ არა ესპანეთში.
ჩემი პასუხი იყო: "დიახ!" ინგლისელებს ვუთხარი, რომ არჩევნებს უნდა დავლოდებოდი, რადგან მე როსელს პირობა მივეცი.
როსელმა არჩევნებში გაიმარჯვა, მე კი "ბარსელონაში" აღმოვჩნდი", - აღნიშნა რონალდინიომ.
მომზადებულია The Sun-ის მიხედვით
