საერთო ჯამში, 4-გოლიანი თრილერი ურიგო საყურებელი არ გამოდგა, "ბარსამ" კი თავისი რეკორდული წაუგებელი სერია გააგრძელა...ელ კლასიკო
ზინედინ ზიდანმა შეტევაში BBC (ბეილი, ბენზემა, რონალდო) განათავსა, ხოლო ერნესტო ვალვერდემ მესისა და სუარესს ფილიპე კოუტინიო მიახმარა.
მე-10 წუთზე სერხი რობერტომ მარჯვენა ფლანგიდან ლუის სუარესი მოძებნა, რომელმაც ანგარიში გახსნა. "რეალმა" 4 წუთში გაათანაბრა, კრიშტიანო რონალდომ თავისივე დაწყებული კომბინაცია გოლით დაასრულა, რომელიც მე-400 აღმოჩნდა "რეალისთვის" "ელ კლასიკოს" ისტორიაში.
პორტუგალიელმა იმ მომენტში ტრავმა მიიღო, ტაიმი კი ჩაამთავრა, მაგრამ მერე მაინც შეცვალა ზიდანმა (შესვენებაზე). საპასუხო გოლის შემდეგ სტუმრების უპირატესობა აშკარა გახდა, შემდეგ კი ფეხბურთელებმა უხეშობას უმატეს - ლუკა მოდრიჩმა და ჟორდი ალბამ ერთმანეთში იჩხუბეს კიდევაც, ისევე, როგორც სერხიო რამოსმა და ლუის სუარესმა (სუარესი მანამდე კეილორ ნავასსაც ეჩხუბა). ტაიმის ბოლოს კი სერხი რობერტომ სულაც დაარტყა მარსელოს და მსაჯმა ის გააძევა.
10-კაციანმა "ბარსამ" მეორე ტაიმში მესის ბრწყინვალე თამაშის წყალობით გაათანაბრა, თუმცა მანამდე ლუის სუარესი უხეშობდა, რაც მსაჯმა ვერ შენიშნა.
58-ე წუთზე ანდრეს ინიესტა შეცვალეს. ასე დასრულდა მისი ისტორია კლასიკოებში (38 თამაში).
72-ე წუთზე შეცვლაზე შესულმა მარკო ასენსიომ ბეილს გაატანინა - 2:2. ამის შემდეგ აქტიურ მესის კიდევ შეეძლო "ბარსას" დაწინაურება, თუმცა ანგარიში უცვლელი დარჩა.
"ბარსას" 3 მატჩი რჩება და თუ არ წააგებს არც ერთში, პირველი კლუბი გახდება 21-ე საუკუნეში, რომელიც ლა ლიგას წაუგებლად მოიგებს. 9 მაისს ორივე გუნდი გადადებულ შეხვედრებს ითამაშებს, "ბარსა" "ვილიარეალს" მასპინძლობს, ხოლო "რეალი" "სანჩეს პისხუანზე" "სევილიას" ესტუმრება.
ფაქტები
- 2008 წლის შემდეგ ეს პირველი კლასიკო იყო, რომელშიც ერთ-ერთ გუნდს უკვე განაღდებული ჰქონდა ჩემპიონის ტიტული.
- ლეო მესიმ და ანდრეს ინიესტამ 38-ე კლასიკო ითამაშეს და კლასიკოს ისტორიაში მე-4 ადგილზე გადავიდნენ.
- კრიშტიანო რონალდომ კლასიკოებში მე-18 გოლი გაიტანა და ამ მაჩვენებლით ალფრედო დი სტეფანოს (რეალი) გაუთანაბრდა საზიარო მეორე ადგილზე ლეო მესის შემდეგ.
- ქარიმ ბენზემა "რეალის" პირველი ფეხბურთელია ამ სეზონში, რომელმაც გოლებშიც (11) და პასებშიც (10) ორნიშნა ნიშნულს მიაღწია.
- კლასიკოს ისტორიაში პირველი "რეალი" გახდა, რომელმაც მე-400 გოლი გაიტანა. გოლის ავტორი კრიშტიანო რონალდოა.
- ლეო მესი "კამპ ნოუზეც" კლასიკოების ყველა დროის ბომბარდირი გახდა ლა ლიგაში - 7.
- "ბარსელონამ" ზედიზედ 42-ე მატჩი არ წააგო ლა ლიგაში. ჩემპიონატის რეკორდი იზრდება.
სხვა მატჩები
სევილიური კლუბები ერთმანეთის ანტიპოდები არიან - მაშინ, როცა "სევილიამ" 3 მარტის მერე პირველად მოიგო ლა ლიგაში, მისმა "მწვანე" მეტოქემ ქალაქში, "ბეტისმა" 4 მარტის მერე პირველი თამაში წააგო. "ბეტისი" ევროპალიგის საგზურის ზონაშია - "სევილია" არა, თან "ბეტისმა" ჯგუფურ ეტაპზე თამაში გაინაღდა, "სევილიას" კი ჯერ აღნიშნული ტურნირის საგზურიც კი არ მოუპოვებია.
"სევილიაში" ხელახალი დებიუტი ჰქონდა ხოაკინ კაპაროსს, რომელმაც გაარღვია კიდეც მონტელას "დანატოვარი" მოჯადოებული წრე. როგორც ჩანს, მის ხელში გუნდი სულ სხვანაირ ფეხბურთს ითამაშებს.
"ვალენსიამ" ვალენსიის მხარის დერბი წააგო "ვილიარეალთან", მაგრამ ამის მიუხედავად, მეოთხე ადგილი და ლიგის საგზური დაიბევა. "დეპორტივო" გავარდა, მაგრამ გუნდმა არ დაუშვა გალისიური დერბის წაგება, ბოლო წამებზე ლუკას პერესმა იყოჩაღა და ანგარიში გაათანაბრა "სელტასთან" დაპირისპირებაში.
"ატლეტიკო" შინ გოლსაც კი არ უშვებდა, მაგრამ ევროპალიგის ფინალისტმა "ესპანიოლთან" შეირცხვინა თავი - 0:2. დიეგო სიმეონემ ანტუან გრიზმანი სათადარიგოთა სკამზე დატოვა.
ფაქტები
- ევერ ბანეგამ "სევილიას" მაისურით 7-დან 7 პენალტი გაიტანა. აქედან 5 - "სანჩეს პისხუანზე".
- "სევილიამ" ლა ლიგაში 3 მარტის შემდეგ პირველად მოიგო. მაშინაც ბასკური კლუბი დაამარცხა (ბილბაო).
- "სევილიამ" 7-ტურიანი მოუგებელი სერია შეწყვიტა.
- "ეიბარმა" "ჟირონას" ზედიზედ მეორედ მოუგო 8-მატჩიანი მოუგებელი სერიის შემდეგ.
- ინიაკი ვილიამსი ლა ლიგაში "ბილბაოს" ფეხბურთელებში ყველაზე მეტ გოლში მონაწილეობდა - 7 გოლი, 6 საგოლე პასი.
- "ვილიარეალმა" ვალენსიური დერბი ორჯერვე "ვალენსიას" ლა ლიგის ისტორიაში მხოლოდ მესამედ მოუგო (2007/08 & 2015/16).
- როდრი ერნანდესის (ვილიარელი) პასები ტოპ-4 კლუბთან: "ატლეტიკოსთან" - 62 და 101, "ბარსელონასთან" - 56, "ვალენსიასთან" - 74 და 85, "რეალთან" - 66.
- "ბეტისმა" ლა ლიგაში 4 მარტის მერე პირველად წააგო. გუნდმა ლა ლიგაში 8-ტურიანი წაუგებელი სერია შეწყვიტა.
ლა ლიგა. XXXVI ტური
სევილია-სოსიედადი 1:0
გოლი: 1:0 ბანეგა (47-პენ)
სევილია (4-2-3-1): სორია - ლაიუნი, მერკადო, ლონგლე, ესკუდერო - ნ"ზონზი, მესა (79. გაისი) - სარაბია (87. ფ. ვასკესი), ბანეგა, ნოლიტო (69. ხ. კორეა) - ს. რამირესი
ჟირონა-ეიბარი 1:4
გოლები: 0:1 კიკე (9), 0:2 კიკე (38), 1:2 ადაი (55), 1:3 ჯორდანი (80), 1:4 ინუი (89)
ბილბაო-ბეტისი 2:0
გოლები: 1:0 მუნიაინი (76), 2:0 ადურისი (92)
ბეტისი (5-3-2): პ. ლოპესი - ტელიო, ამატი, ბარტრა, ჟუნიორი (20. კამარასა), დურმისი - რუისი, ხ. გარსია, ხოაკინი (74. ბუდებუზი) - სანაბრია (63. რ. კასტრო), ლორენი
სელტა-დეპორტივო 1:1
გოლები: 1:0 მ. გომესი (13), 1:1 ლ. პერესი (91)
ვილიარეალი-ვალენსია 1:0
გოლი: 1:0 მარიო გასპარი (86)
ვილიარეალი (4-2-3-1): ასენხო - მარიო გასპარი, ალვარო, რუისი, რუკავინა (46. ხ. კოსტა) - ტრიგეროსი, რ. ერნანდესი - კასტილიეხო, რაბა (83. სანსონე), ჩერიშევი (67. ფორნალსი) - ბაკა
ვალენსია (4-4-2): ნეტუ - ვეზუ, გაბრიელ პაულისტა, გარაი, გაია - სოლერი (71. ფ. ტორესი), პარეხო, კონდოგბია, გედეში (81. ა. პერეირა) - როდრიგო, ს. მინა (67. ვიეტო)
მალაგა-ალავესი 0:3
გოლები: 0:1 მ. გარსია (3), 0:2 დემიროვიჩი (68), 0:3 იბაი გომესი (70)
ატლეტიკო-ესპანიოლი 0:2
გოლები: 0:1 სავიჩი (53 ს.კ.), 0:2 ლეო ბაპტიშტაო (77)
ატლეტიკო (5-3-2): ობლაკი - ვრსალკო, ხ. ხიმენესი, სავიჩი, ლ. ერნანდესი, ფილიპე ლუიში (65. გაბი) - ვიტოლო (26. სანე), თომასი, კოკე (46. საულ ნიგესი) - გამეირო, ფ. ტორესი
ლას პალმასი-ხეტაფე 0:1
გოლი: 0:1 ანხელი (88)
ბარსელონა-რეალი 2:2
გოლები: 1:0 ლ. სუარესი (10), 1:1 რონალდო (14), 2:1 მესი (52), 2:2 ბეილი (72)
ბარსელონა (4-4-2): ტერ შტეგენი - ს. რობერტო, პიკე, უმტიტი, ალბა - კოუტინიო (46. სემედუ), ბუსკეტსი, რაკიტიჩი, ინიესტა (58. პაულინიო) - მესი, ლ. სუარესი (92. პ. ალკასერი)
რეალი (4-3-3):L კ. ნავასი - ნაჩო (68. ლ. ვასკესი), ვარანი, ს. რამოსი, მარსელო - მოდრიჩი, კაზემირო, კროოსი (84. კოვაჩიჩი) - ბეილი, ბენზემა, რონალდო (46. ასენსიო)
გაძევება: ს. რობერტო (45+3)
ორშაბათი, 7 მაისი
ლეგანესი-ლევანტე 23:00
ბომბარდირები: 33 - ლიონელ მესი (ბარსელონა); 25 - კრიშტიანო რონალდო (რეალი); 24 - ლუის სუარესი (ბარსელონა); 20 - იაგო ასპასი (სელტა); 19 - ანტუან გრიზმანი (ატლეტიკო), კრისტიან სტუანი (ჟირონა).
გადადებული მატჩები
9 მაისი: ბარსელონა-ვილიარეალი; სევილია-რეალი.
მომდევნო ტური
12 მაისი: ალავესი-ბილბაო, ბეტისი-სევილია, დეპორტივო-ვილიარეალი, ეიბარი-ლას პალმასი, ხეტაფე-ატლეტიკო, ჟირონა-ვალენსია, რეალი-სელტა, რეალ სოსიედადი-ლეგანესი;
13 მაისი: ესპანიოლი-მალაგა, ლევანტე-ბარსელონა.
(იბეჭდება მცირე ცვლილებით)
ყოველდღიური სპორტული გაზეთი "ლელო"
