ლა ლიგა. XXXVIII ტურის წინ: საოცარი რეკორდი

AutoSharing Option
ლა ლიგაში შემორჩენილი ყველაზე საინტერესო ინტრიგა ევროპის ტოპ-5 ლიგების საოცარ რეკორდს უკავშირდება. მოგეხსენებათ, უკვე გაჩემპიონებული "ბარსელონა" ზედიზედ 43 ტურია, რაც არ დამარცხებულა. ეს ერთ ჩემპიონატზე მეტია, თუმცა "ბარსას" იმის შანსიც აქვს, რომ ესპანეთის ჩემპიონატში 20-გუნდიანი პირველობების ისტორიაში პირველად ტურნირი წაუგებლად დაასრულოს. ამისთვის ერნესტო ვალვერდეს გუნდმა კიდევ ორჯერ არ უნდა წააგოს და ეგაა.

კვირას "ბარსა" ვალენსიას ესტუმრება და ლა ლიგაში დარჩენილ "ლევანტეს" ეთამაშება, ბოლო ტურში კი "რეალ სოსიედადს" უმასპინძლებს. ვფიქრობთ, გუნდს არ უნდა გაუჭირდეს ჩემპიონატის წაუგებლად დასრულება.

ჩემპიონთა ლიგის ყველა საგზური
"დარიგებულია", გარკვეულია სამივე უიღბლოს ვინაობა, ლეო მესი 34 გოლით არა მარტო ესპანეთში ევროპის ტოპლიგებშიც კი საუკეთესო ბომბარდირია, ევროპალიგის ჯგუფური ეტაპის საგზური "ბეტისს" "ჯიბეში უდევს". მაშ, რა დარჩა გასარკვევი?

ევროპალიგის დარჩენილი 2 საგზური. "სევილია" ჯერ კიდევ იბრძვის, ამ ტურში კი სევილიური დერბია. "ბეტისს" ქულები აღარაფერში ესაჭიროება, მაგრამ თანაქალაქელი მტრისთვის საქმის გაფუჭების შანსს ეს გუნდი ხელიდან არ გაუშვებს. პირველ წრეში ამ გუნდებმა სუპერშოუ შემოგვთავაზეს, "სანჩეს პისხუანზე" "ბეტისმა" 5:3 მოიგო!

ფაქტები

  • "ბეტისმა" ლა ლიგაში ბოლო 4 მატჩი მოიგო შინ.
  • "სევილიას" "ბეტისთან" სტუმრად ბოლო 11 მატჩია, არ წაუგია.
  • "ატლეტიკოს" "ხეტაფესთან" ბოლო 13 დაპირისპირებაში არ გაუშვია გოლი.
  • "სელტამ" ლა ლიგაში სტუმრად ბოლო 7 შეხვედრიდან 6-ში წააგო.
ლა ლიგა. XXXVII ტური
შაბათი, 12 მაისი
სოსიედადი-ლეგანესი 18:15
ალავესი-ბილბაო 20:30
ბეტისი-სევილია 20:30
ეიბარი-ლას პალმასი 20:30
ხეტაფე-ატლეტიკო 20:30
ჟირონა-ვალენსია 20:30
დეპორტივო-ვილიარეალი 20:30
რეალი-სელტა 22:45

კვირა, 13 მაისი
ესპანიოლი-მალაგა 18:15
ლევანტე-ბარსელონა 22:45

ბომბარდირები: 34 - ლიონელ მესი (ბარსელონა); 25 - კრიშტიანო რონალდო (რეალი); 24 - ლუის სუარესი (ბარსელონა).
მკითხველის კომენტარები / 0 /
კომენტარი ჯერ არ გაკეთებულა.

სიახლეები პოპულარული