"ბარსელონასთან" დამარცხების შემდეგ "რეალის" მწვრთნელის ხულენ ლოპეტეგის გუნდში დარჩენა-არდარჩენის თაობაზე ურთიერთგამომრიცხავი ინფორმაციები ვრცელდება. მივყვეთ ქრონოლოგიურად.
რადიო Onda Cero-მ ნამატჩევს იუწყა, რომ ლოპეტეგის გუშინვე გადააყენებდნენ და დღეს 13:00 საათზე მის ნაცვლად ანტონიო კონტეს დანიშნავდნენ.
"მარკას" ცნობით, ლოპეტეგი ფეხბურთელებს გამოემშვიდობა, თუმცა ESPN-ს ჟურნალისტი დერმონ კორიგანი ამტკიცებს, რომ ხულენმა დილას გუნდის დახურული ვარჯიში ჩაატარა.
AS-ი ირწმუნება, რომ თბილისის დროით 22:00 საათზე კლუბის დირექტორატის საგანგებო კრება დაიწყება და კონტეს მწვრთნელად დაამტკიცებენ.
Tuttomercatosport-ო ამტკიცებს, რომ კონტე ეგვიპტეში ისვენებდა და ლონდონში "ჩელსისთან" კონტრაქტის გასაწყვეტად გაფრინდა, თუმცა
"არისტოკრატებმა" მას ხელშეკრულება ცალმხრივად გაუწყვიტეს. ეტყობა, რაღაც იურიდიული საკითხები აქვს მოსაგვარებელი. იმ შემთხვევაში თუ ანტონიო ბლანკოსს ჩაიბარებს, "ჩელსისგან" 9-მილიონფუნტიან კომპენსაციას ვეღარ აიღებს. ადრე ისიც დაიწერა, თითქოს "სამეფო კლუბის" პრეზიდენტი ფლორენტინო პერესი მას კონტრაქტის სეზონის ბოლომდე გაფორმებას სთავაზობს, რაც არ აწყობს.
და კიდევ: სანამ ანტონიო ლონდონშია, მადრიდში მოლაპარაკებას პერესთან მისი ძმა აწარმოებს.
მოკლედ, ასეა თუ ისე, ყველაფერი მალე გახდება ცნობილი.
"რეალი" 10 ტურის შემდეგ 14 ქულით მე-9 ადგილზეა და ეს გუნდი ლა ლიგაზე მე-8 ადგილზე ქვევით უკანასკნელად 17 წლის წინ დაეშვა. ამას გარდა, ბურთების ასეთი უარყოფითი შეფარდება (14-14) ბოლოს 1947 წელს ჰქონდა.
![alt](/pictures/image50/3430349b454c486554c54e8e8bc2f7ac.jpg "რა ხდება "რეალში" - კონტეს 22:00 საათზე დანიშნავენ?")
Marca: ლოპეტეგი "რეალის" ფეხბურთელებს დაემშვიდობა![alt](/pictures/image50/a698f1966426c8d48ffb55c5da8f6f8d.jpg "რა ხდება "რეალში" - კონტეს 22:00 საათზე დანიშნავენ?")
ანტონიო კონტე "რეალის" წინადადებით იმედგაცრუებულია
![კვლავ ფორმაშია! - შოთა არველაძემ მადრიდის "რეალს" გაუტანა [VIDEO]](/pictures/image7/2d1f3aeb1efc7b85ecbdcc72c2873bff.png "კვლავ ფორმაშია! - შოთა არველაძემ მადრიდის \"რეალს\" გაუტანა [VIDEO]")
