პეპე: "რეალი" ცენტრალური მცველების სასაფლაო იყო

"პორტუს" ახალწვეულმა პეპემ გაიხსენა, თუ როგორ გადადიოდა მისი ამჟამინდელი კლუბიდან 2007 წელს მადრიდის "რეალში".

"რეალი" ცენტრალური მცველების, რომლებიც აქ მოდიოდნენ, სასაფლაო იყო. ძირითადში ვერც ერთი მათგანი დამკვიდრდა. თუმცა "პორტომ" კარგად მომამზადა და "რეალში" 10 წელი ვითამაშე.

"რეალში" ბევრი გამორჩეული, სახელიანი ცენტრალური მცველი იყო, მაგრამ ვერავინ შეძლო ძირითადში ისე დამკვიდრება, როგორც მე.

ძალიან მიხარია, რომ "პორტოში" კასილიასი თამაშობს. შესაძლოა, ამანც იმოქმედა ჩემს გადაწყვეტილებაზე. როცა ჩამოვედი, იკერს ვკითხე, საუბრობს თუ არა პორტუგალიურად, ზუსტად ისევე, როგორც მან მკითხა "რეალში", ვლაპარაკობდი თუ არა ესპანურად.

მან მითხრა, რომ ენა ესმის, მაგრამ საუბარი ერიდება. ვუთხარი, რომ მას უკეთესად გამოსდის, ვიდრე მე ესპანური", - თქვა პეპემ.

მომზადებულია Marca-ს მიხედვით