უსმან დემბელე "ბარსელონას" დაახლოებით ერთ თვით დააკლდება

AutoSharing Option
კატალონიური "ბარსელონას" ფრანგმა ფეხბურთელმა უსმან დემბელემ მარცხენა ბარძაყის კუნთი გაიწყვიტა. ამის შესახებ ესპანური კლუბის ოფიციალური საიტი წერს.

მათივე ინფორმაციით, ფრანგი შემტევი გუნდს, სავარაუდოდ, 3-4 კვირის განმავლობაში ვერ დაეხმარება.

შეგახსენებთ, რომ მცირე დისკომფორტი დემბელემ 9 მარტს "რაიო ვალეკანოს" წინააღმდეგ მატჩშიც იგრძნო, თუმცა შეხვედრა ბოლომდე ჩაამთავრა. ამის შემდეგ დემბელე მოედანზე 13 მარტს ჩემპიონთა ლიგის 1/8-ფინალში "ლიონის" წინააღმდეგაც გამოვიდა, სადაც 20 წუთი ითამაშა და გოლის ავტორიც გახდა.

აღსანიშნავია, რომ ჩემპიონთა ლიგის მეოთხედფინალური მატჩების განრიგს უეფა 15 მარტს, ნიონში დაგეგმილ კენჭისყრის ცერემონიაზე გამოაცხადებს.