ნავასი: "ვინც ამბობდა, რომ ცუდად ვვარჯიშობდი, უნდა აღიარონ, რომ ცდებოდნენ"

"რეალის" მთავარი მწვრთნელის პოსტზე დაბრუნების შემდეგ პირველსავე მატჩში ზინედინ ზიდანმა ბელგიელი მეკარე ტიბო კურტუა თადარიგში დატოვა, კარის დაცვა კი კოსტარიკელს ნავასს ანდო. ნავასი იანვრის შემდეგ ესპანეთის ჩემპიონატის მატჩში ძირითად შემადგენლობაში პირველად გამოვიდა და "სელტასთან" მოგებული მატჩის შემდეგ მედიასთან კომენტარი გააკეთა.

"მათ, ვინც ამბობდა, რომ ცუდად ვვარჯიშობდი, ახლა უნდა აღიარონ, რომ ცდებოდნენ. ისინი ან მე არ მიცნობენ, ან ვარჯიშები არ უნახავთ.

ყველამ იცის, მე როგორ ვვარჯიშობ. გვირაბის ბოლოს ყოველთვის არის სინათლე - სწორედ ასეთი მიდგომით ვუდგები ჩემს საქმეს.

მსურს, დავტკბე ამ მომენტით. მე იმისთვის ვმუშაობ, რომ მწვრთნელს ჩემი იმედი ჰქონდეს, და დღეს ღრუბლები გაიხსნა და მზემ გამოანათა. მე ყოველთვის ვცდილობ, გუნდს სარგებელი მოვუტანო. ამ სიტუაციიდან უფრო ძლიერი და მოტივირებული გამოვალ", - განაცხადა ნავასმა.