"ბარსელონას" მწვრთნელმა ერნესტო ვალვერდემ "სელტასთან" ლა ლიგას 36-ე ტურში წამყვანი ფეხბურთელების დასვენება გადაწყვიტა.
მიზეზი ისაა, რომ "ბარსამ" გასულ ტურში გაიფორმა ჩემპიონობა, ამ ტურნირზე მოტივაციის გარეშეა დარჩენილი, 7 მაისს კი ჩემპიონთა ლიგის განმეორებით ნახევარფინალურ მატჩში სტუმრად "ლივერპულს" შეხვდება.
ვალვერდე ვიგოში თან ლეო მესის, მარკ-ანდრე ტერ შტეგენს, ლუის სუარესს, ჟერარ პიკეს, ჟორდი ალბას, სერხი რობერტოს, ივან რაკიტიჩს და სერხიო ბუსკეტსს არ იახლებს.
"სელტასა" და "ბარსელონას" შეხვედრა 4 მაისს თბილისის დროით 22:45 საათზე დაიწყება.
![alt](/pictures/image50/11f8a7701dedf829df63109373b9260a.jpg ""ბარსელონა" "სელტასთან" დუბლებით ითამაშებს")
დიად არს მესი - "ბარსელონამ" ბოლო თერთმეტ სეზონში მერვედ 
