ლა ლიგას 25-ე ტურში "ბარსელონამ" საკუთარ მოედანზე "ეიბარი" 5:0 დაამარცხა.
ლეო მესიმ ლა ლიგაზე მე-5 პოკერი შეასრულა და "ბარსას" რეკორდი დაამყარა. მან ოთხმატჩიანი უგოლო სერია შეწყვიტა და 18 გოლით პრიმერას ბომბარდირია. ამას გარდა, ლეომ ზედიზედ მე-12 სეზონში 20+ გოლი გაიტანა.
"ბარსელონამ" ჩემპიონატზე ზედიზედ მეოთხე გამარჯვება იზეიმა, 55 ქულით გალიდერდა, თუმცა სტუმრად "ლევანტეს" დამარცხების შემთხვევაში, პირველი ადგილის დაბრუნება "რეალს" შეუძლია.
ბარსელონა. "ნოუ კამპი". 66 970 მაყურებელი
ბარსელონა - ეიბარი 5:0
გოლები: 1:0 მესი (14), 2:0 მესი (37), 3:0 მესი (40), 4:0 მესი (87), 5:0 არტური (89)
