"ბარსას" მოსკოვის "ლოკომოტივის" შემტევი სურს - პრეზიდენტი თანახმაა

AutoSharing Option
სხვადასხვა რუსული და ევროპული გამოცემის მიხედვით, "ბარსელონას", მომავალი სატრანსფერო ფანჯრის ფარგლებში, მოსკოვის "ლოკომოტივის" შემტევ ალეკსეი მირანჩუკის შეძენა სურს.

კლუბში არსებული კრიზისის გამო "ბლაუგრანა" დაბალბიუჯეტიან ფეხბურთელებზე გადაერთო და ერთ-ერთი მათგანი სწორედ 24 წლის რუსი შემტევი აღმოჩნდა. მნიშვნელოვანია ისიც, რომ წყაროების ცნობით, "ბარსას" პრეზიდენტმა ბართომეუმ ტრანსფერი მოიწონა.

თუ კატალონიელები ფეხბურთელთან პირადი კონტრაქტის და შემდეგ "რკინიგზელებთან" ტრანსფერის თანხის შეთანხმებას შეძლებენ, შესაძლოა, რუსი ფეხბურთელი "ბარსელონას" პირველი შენაძენი გახდეს 2020-21 წლების სეზონის წინ.

მიმდინარე სეზონში მირანჩუკმა "ლოკომოტივის" შემადგენლობაში 24 მატჩი ჩაატარა, 9 გოლი გაიტანა და
5 საგოლე გადაცემა გააკეთა. რუსული საინფორმაციო საშუალებების მიხედვით, "ლოკო" მის გაშვებას 20 მილიონ ევროზე ნაკლებად არ აპირებს.

altრუსებმა ამიერკავკასიის სიმბოლურში 5 სომეხი, 4 ქართველი და 2 აზერბაიჯანელი შეიყვანეს