ლა ლიგის პრეზიდენტი: მესი ხატია - რონალდოს წასვლამ არაფერი დაგვაკლო

ლა ლიგის პრეზიდენტმა ხავიერ ტებასმა განაცხადა, რომ თავდამსხმელ რონალდოს "რეალიდან" "იუვენტუსში" გადასვლამ ესპანეთის ჩემპიონატზე გავლენა არ მოახდინა.

"კრიშტიანოს წასვლამ "რეალი" კი დაამწუხრა, მაგრამ ჩვენზე პრაქტიკულად ნულოვანი გავლენა მოახდინა, რადგან ლა ლიგა დიდი ხანი ემზადებოდა იმისათვის, რათა მისი ბრენდი კონკრეტულ ფეხბურთელებზე მაღლა მდგარიყო.

თუმცა მესისთან სხვა ისტორიაა. ის ფეხბურთის ისტორიაში საუკეთესოა. გაგვიმართლა, რომ მხოლოდ ჩვენს ლიგაში თამაშობს. ვფიქრობ, მესის წასვლა შესამჩნევი იქნებოდა. განსაკუთრებით, სხვა ჩემპიონატში გადასვლის შემთხვევაში.

ლიონელი ესპანეთის ფეხბურთის ხატია. მას კარიერის ჩვენს ჩემპიონატში დასრულებას ვთხოვდი.

მესის წასვლა კატასტროფა არ იქნება, ვინაიდან სატელევიზიო კონტრაქტებს მასთან ერთად ან მის გარეშეც გავაფორმებთ. მთავარი ღირებულება ისაა, რომ მუდამ გვახარებს", - განაცხადა ტებასმა RAC1-ის ეთერში.

ლა ლიგის ფეხბურთელები წვეულებებზე დადიან, პრეზიდენტმა მათი გამოკეტვის იდეა წამოაყენა