მოდრიჩმა მესის სავარაუდო წასვლაზე ისაუბრა

მადრიდის „რეალის“ ხორვატმა ნახევარმცველმა ლუკა მოდრიჩმა „ბარსელონას“ ფორვარდ ლიონელ მესის სავარაუდო ტრანსფერის შესახებ გააკეთა კომენტარი.

„მესის წასვლა დიდი დანაკლისი იქნებოდა. იმის მსგავსი, როგორიც კრიშტიანოს „იუვეში“ გადაბარგება იყო. თუმცა წარსულით ვერავინ იცხოვრებს, ეს ფეხბურთია და მას თან ყველაფერი ახლავს.

თუ მესი სხვა ლიგაში გადავა, ეს პრიმერასთვის დიდი დანაკარგი იქნება, პრესტიჟზეც უარყოფითად იმოქმედებს. მაგრამ ჩვენ წინ უნდა განვაგრძოთ სვლა. ვარსკვლავებად სხვა ფეხბურთელები ჩამოყალიბდებიან.

როცა რონალდომ „რეალი“ დატოვა, მაშინაც რთული იყო, თუმცა „ბლანკოსმა“ მის გარეშე ცხოვრება განაგრძო და იგივე რამ მოხდება „ბარსელონასა“ და ლა ლიგის შემთხვევაში", - განაცხადა მოდრიჩმა.

მომზადებულია Goal.com-ის მიხედვით