გრიზმანს "ბარსელონას" დატოვება არ სურს

AutoSharing Option
თავდამსხმელ ანტუან გრიზმანს "ბარსელონას" დატოვება არ უნდა.

კატალონიური "სპორტის" ცნობით, ის მხოლოდ "ატლეტიკოში" დაბრუნებაზეა თანახმა. ადრე "ბარსა" მის "ატლეტიკოს" ნახევარმცველ საულ ნიგესში გაცვლას ცდილობდა, მაგრამ მხარეები ვერ შეთანხმდნენ. ამასთან, თავად გრიზმანისთვის წინადადებით არავის მიუმართავს.

"ბარსელონას" სხვა მაღალანაზღაურებადი ფეხბურთელების მსგავსად, ის მზადაა გუნდში დარჩენისთვის ხელფასის შემცირებაზე დათანხმდეს.

გასულ სეზონში გრიზმანმა ლა ლიგის 36 მატჩში 13 გოლი გაიტანა და 7 საგოლე გადაცემა გააკეთა.