შეძლებს მემფისი მესის წასვლის შემდეგ დატოვებული ორმოს ამოვსებას? ნიდერლანდელმა კარგად დაიწყო...

მემფის დეპაი "ბარსელონას" გულშემატკივრებისთვის სეზონის უმთავრესი აღმოჩენაა. ნიდერლანდელმა ფებხურთელმა 2021/22 წლების სეზონში უკვე 7 გოლის გატანა მოახერხა (2 "ბარსელონაში", 5 ნაკრებში)

შეგახსენებთ, დეპაი "ბლაუგრანას" "ლიონიდან" შეუერთდა, ამ მომენტისთვის კი ის ლიონელ მესის უმთავრეს შემცვლელად მოიაზრება, როგორც ჩანს, გულშემატკივრების წინ ახალი კატალონიური ერა იწყება.

აღსანიშნავია, რომ შემტევი ჯერ 27 წლისაა, კარიერის ადრეულ წლებში, უფრო კონკრეტულად 2015-2017 წლებში "მანჩესტერ იუნაიტედში" კრიშტიანო რონალდოს შემცვლელად მოვიდა, თუმცა რა გამოვიდა ყველამ იცის...

მაგრამ შემტევისთვის საფრანგეთში კარიერა ხელახლა დაიწყო, "ლურჯ-ბროწეულისფერებში" გადასვლა კი მისი ბავშვობის ოცნება გახლდათ, თანაც ამ გუნდში მისთვის ერთ-ერთი საყვარელი მწვრთნელი, რონალდ კუმანი დახვდა. რა თქმა უნდა, მესის ჩანაცვლება გარკვეულწილად შეუძლებელია, ის, რასაც არგენტინელი ვირტუოზი მოედანზე ქმნიდა შეუდარებელია, თუმცა მესის წასვლის შემდეგ დაცარიელებული ორმოს ამოვსების ძალა ნიდერლანდელს აქვს, მას ამაში ახალგაზრდა ანსუ ფატი და მთელი "ბარსელონა" დაეხმარება.