სილესენმა არ გაუშვა - "ვალენსიამ" სან-სებასტიანიდან ქულა წაიღო

ლა ლიგის მე-14 ტურში „ვალენსია“ სან-სებასტიანში „სოსიედადს“ დაუზავდა - 0:0. „ღამურების“ მეკარე გიორგი მამარდაშვილი კვლავ სათადარიგო იყო.

პირველ ტაიმში მასპინძლები უპირატესობას ფლობდნენ, მაგრამ მხოლოდ ერთხელ დაარტყეს კარში, როდესაც სილესენმა ისაკს გატანა არ დაანება. მომენტებით უხვი არც მეორე ტაიმი გამოდგა. 76-ე წუთზე მსაჯმა უხეშობისთვის მასპინძელთა გუნდის მცველი ელუსტონდო გააძევა. დარჩენილ დროში გარდა შეხლა-შემოხლებისა აღსანიშნავი არაფერი მომხდარა და გუნდებმა ქულები გაიყვეს.