„ბარსა“ ბუნდესლიგაში მეცხრე ადგილზე მყოფ „აინტრახტთან“ გერმანიაში წაგებას გადაურჩა (1:1). საპასუხო შეხვედრის დებიუტში სტუმრები კოსტიჩმა პენალტით დააწინაურა (ხავის გუნდის კარში ბოლო 2 შეხვედრაში 4 თერთმეტმეტრიანი დაინიშნა, რომელთაგან 2 ერიკ გარსიამ აიკიდა), 36-ე წუთზე ბორემ შორიდან გაუტანა ტერ შტეგენს და პირველი ტაიმი 0:2 დასრულდა.
შესვენების შემდეგ „ბარსელონამ“ დიდი ძალებით შეუტია და ობამეიანგმა ცარიელ კარში ვერ შეაგდო ბურთი. სამაგიეროდ, სერბმა კოსტიჩმა 67-ე წუთზე დუბლი შეასრულა (მან საგოლე გადაცემაც გააკეთა), 0:3 და კატალონიური კლუბი კატასტროფის წინაშე აღმოჩნდა. 90+1-ე წუთზე ბუსკეტსმა ანგარიში შეამცირა, 90+11-ეზე დეპაიმ პენალტით დალაშქრა ტრაპის კარი და შეხვედრაც დასრულდა.
ამით შეწყდა ყველა ტურნირზე „ბარსელონას“ 15-მატჩიანი წაუგებელი სერია, რომელიც ამ სეზონში ტიტულის გარეშე დარჩა.
ბარსელონა. „კამპ ნოუ“
ბარსელონა - აინტრახტი 2:3 (1:1)
გოლები: 0:1 კოსტიჩი (4, პენ), 0:2 ბორე (36), 0:3 კოსტიჩი (67), 1:3 ბუსკეტსი (90+1), 2:3 დეპაი (90+11)
გაძევება: ნ'დიკა (90+10)
სხვა მატჩები
ატალანტა - ლაიპციგი 0:2 (1:1)
ლიონი - ვესტ ჰემი 0:3 (1:1)
რეინჯერსი - ბრაგა 3:1 (ძირ. დრო 2:1) (0:1)
ნახევარფინალში "აინტრახტი" "ვესტ ჰემს", ხოლო "ლაიპციგი" "რეინჯერსს" დაუპირისპირდება. პირველი მატჩები 28 აპრილს ჩატარდება, საპასუხოები - 5 მაისს, ფინალი კი - 18 მაისს.
![alt](/pictures/image50/a89fd9b15b0c4b49fb504a67bcf9c91e.jpg ""ბარსელონა" ბუნდესლიგაში მეცხრე ადგილზე მყოფმა გუნდმა გამოაგდო")
"ბარსელონამ" კაცნაკლულ "აინტრახტს" ვერ მოუგო
!["რეალში" ჯერ კიდევ არგადასული მბაპე "ბარსელონას" ფანებს უკვე შესძულდებათ - ნახეთ, რა უთხრა გასახდელისკენ მიმავალმა ფრანგმა კატალონიელთა გულშემატკივრებს [VIDEO]](/pictures/image7/c8d0781634d40a75628d9109aff3fe43.jpeg "\"რეალში\" ჯერ კიდევ არგადასული მბაპე \"ბარსელონას\" ფანებს უკვე შესძულდებათ - ნახეთ, რა უთხრა გასახდელისკენ მიმავალმა ფრანგმა კატალონიელთა გულშემატკივრებს [VIDEO]")
