17 ნოემბერს, ევროშესარჩევ ტურნირზე B ჯგუფში 2 მატჩი გაიმართა და კონტინენტის პირველობის მე-17 მონაწილე გაირკვა.
ამ ჯგუფში უკრაინას უკვე მოპოვებული ჰქონდა ევროპის ჩემპიონატის საგზური და სტუმრად მესამე ადგილზე მყოფ სერბეთს ხვდებოდა, რომელიც მეორეადგილოსან პორტუგალიას 1 ქულით ჩამორჩებოდა.
მოკლედ, პორტუგალიას ჯგუფიდან გასასვლელად გასვლაზე ლუქსემბურგი უნდა დაემარცხებინა და 2:0 დაამარცხა კიდეც.
რონალდომ ნაკრებში 99-ე გოლი გაიტანა - მსოფლიოს რეკორდამდე 10 გოლი აკლია.
უკრაინის ნაკრებმა კალენდარული წელი წაუგებლად პირველად დაასრულა.
უკრაინის ნაკრებში "გენტის" თავდამსხმელმა რომან იარემჩუკმა 12 მატჩში 5 გოლი
გაიტანა, სულ კი მიმდინარე სეზონში ყველა ტურნირზე მის ანგარიშზე 17 გოლია.
ლუქსემბურგი. "ჟოზი ბარტელი"
ლუქსემბურგი - პორტუგალია 0:2
გოლები: 0:1 ბრუნო ფერნანდესი (39), 0:2 რონალდო (86)
ბელგრადი. "რაიკო მიტიჩი"
სერბეთი - უკრაინა 2:2
გოლები: 1:0 ტადიჩი (9, პენ), 1:1 იარემჩუკი (31), 2:1 მიტროვიჩი (56), 2:2 ბესედინი (90+3)
ევროპირველობის საგზური ბელგიამ, იტალიამ, რუსეთმა, პოლონეთმა, უკრაინამ, ესპანეთმა, საფრანგეთმა, თურქეთმა, ინგლისმა, ჩეხეთმა, შვედეთმა, ფინეთმა, გერმანიამ, ჰოლანდიამ, ხორვატიამ, ავსტრიამ და პორტუგალიამ მოიპოვეს.
