ევროპის ჩემპიონატის გახსნით მატჩში იტალიამ რომში თურქეთი 3:0 დაამარცხა.
მასპინძლები უდიდეს ტერიტორიულ და სათამაშო უპირატესობას ფლობდნენ, ფაქტიურად ცალკარა თამაში მიდიოდა, მაგრამ სტუმრები ორგანიზებულად და თავგანწირვით იცავდნენ თავს და შესვენებამდე გოლი არ გავიდა. აღსანიშნავია, რომ თურქებს მეტოქის კარისაკენ ბურთი არ დაურტყამთ - ეს 1980 წლის მერე პირველი ასეთი შემთხვევაა. სამაგიეროდ გავიდა მეორე ტაიმის დასაწყისში, როდესაც ბერარდის ჩაწოდებული ბურთი დემირალმა საკუთარ კარში ჩაჭრა. პირველად ევროპირველობის ისტორიაში ავტოგოლი პირველი გოლი გახდა. შემდეგ იმობილემაც გაიტანა და გამარჯვებულის ვინაობა გაირკვა. თუმცა, მანჩინის შეგირდები ამითაც არ დაკმაყოფილდნენ და ჩაკირი ინსინიემაც დაამწუხრა.
იტალიის ნაკრებმა დამაჯერებელი გამარჯვება მოიპოვა და დაამტკიცა, რომ ტურნირის ერთ-ერთი მთავარი ფავორიტია.
რომი. „ოლიმპიკო“
იტალია - თურქეთი 3:0
გოლები: 1:0 დემირალი (53, საკ. კარში), 2:0 იმობილე (66), 3:0 ინსინიე (79)
იტალია: დონარუმა,სპინაცოლა, ბონუჩი, კიელინი, ფლორენცი (დი ლორენცო 46), ჟორჟინიო, ბარელა, ლოკატელი (კრისტანტე 73), ინსინიე (კიეზა 80), ბერარდი (ბერნარდესკი 84), იმობილე (ბელოტი 80)
თურქეთი: ჩაკირი, ჩელიკი, დემირალი, სეინჯიუ, მერაში, იოკუშლუ (კაჰვეჩი 65), ტუფანი (აიჰანი 64), იაზიჯი (უნდერი 46), კარამანი (დერვიშოღლუ 76), ჩალჰანოღლუ, ილმაზი
. 22 წლისა და 106 დღის დონარუმა სკუადრა აძურაში დიდ ტურნირებზე ყველაზე ახალგაზრდა მეკარე გახდა.
. იტალიელთა 36 წლის მცველი კიელინი მეოთხე ევროპის ჩემპიონატზე იღებს მონაწილეობას.
. იტალიის ნაკრებმა პირველად იზეიმა ზედიზედ ცხრა გამარჯვება და თანაც ამ შეხვედრებში გოლი არ გაუშვია.
. სკუარდა აძურა მიჯრით 28 მატჩში დაუმარცხებელია და საკუთარ რეკორდამდე 2 შეხვედრა აშორებს.
. იტალიამ ევროპის ჩემპიონატზე სასტარტო მატჩში ისტორიაში ყველაზე დიდი ანგარიშით იმარჯვა.
. თურქეთმა დიდ ტურნირებზე შვიდივე სასტარტო მატჩი წააგო.
. მატჩის საუკეთესო ფეხბურთელად მასპინძელთა გუნდის მცველი სპინაცოლა აღიარეს.
A ჯგუფში აგრეთვე უელსი და შვეიცარია ასპარეზობენ, რომლებიც ერთმანეთს დღეს ბაქოში დაუპირისპირდებიან.
ევრო 2020-ის ჰიმნი გამოვიდა - მას ვარსკვლავები ასრულებენ [VIDEO]
იგივე უქნა ვან გაალმა მანჩესტერ იუნაიტედს-გუნდი ისე დატოვა მოიესი აზრზე ვერ მოვიდა რა ეღონა,მერე სულშერს ფერგიმ ერთი-ორი რჩევა მისცა თორე იქნებოდნენ ახლა ბრაიტონის დონეზე.
მანჩინის რაღაცნაერი შკაფივით გუნდის გაკეთება უყვარს,მთავარია ცენტრი წაართვას მეტოქეს და გოლების გატანა მაგის გუნდებს სულ უჭირთ..გუშინაც კი გაჯორა თურქები,მაგრამ მე მგონი ამ იტალიას უფრო ძლიერ გუნდებთან გოლის გატანა გაუჭირდება..
მეორე მხარეს იყო გიუნეში,რომელიც საკმაოდ ჭკვიანი და გამოცდილი მწვრთნელია..მაგრამ ფეხბურთი მაგათ გენში არა ზის,ისევე როგორც აზერების..ამდენი ფული ჩადეს და მაინც სომხებთან ვერ გათანაბრდებიან