რუსებს იმედი ჰქონდათ, რომ ბელგიას საკუთარ მოედანზე სძლევდნენ, მაგრამ მეტოქემ დაჯაბნა და პირველივე ტაიმში მოუთავა საქმე. ჯერ ანგარიში მცველ სემიონოვის შეცდომის შემდეგ რომელუ ლუკაკუმ გახსნა და გოლი სიკვდილს გადარჩენილ დანიის ნაკრების ნახევარმცველ კრისტიან ერიკსენს მიუძღვნა. მან სარბენ ბილიკთან სატელევიზიო კამერასთან მიირბინა და დაიყვირა: „მიყვარხარ, კრის“. მერე კი მეკარე შუნინი ტომა მენემ დაამწუხრა. ის ტურნირის ისტორიაში პირველი ფეხბურთელია, რომელიც შეცვლაზე შევიდა და პირველ ტაიმში გოლი გაიტანა.
მეორე ტაიმში ბელგიამ თავიც დაზოგა, ფეხებიც, ნება-ნება ითამაშა, ლუკაკუმ დუბლი შეასრულა და დამსახურებული გამარჯვება მოიპოვა.
ჯგუფში ბელგია გალიდერდა. მეორე ტურში, 16 ივნისს, ფინეთი რუსეთს შეხვდება, 17 ივნისს კი დანია ბელგიას.
სანკტ-პეტერბურგი. „სანკტ-პეტერბურგი“. 26 264 მაყურებელი
რუსეთი - ბელგია 0:3
გოლები: 0:1 ლუკაკუ (10), 0:2 მენე (34), 0:3 ლუკაკუ (88)
"თუ ბელგიას მოვუგეთ, ჩემს ქუდს შევჭამ" - ამბობს რუსი მსახიობი
და კიდე მირანჩუკი ატალანტაში ვერ თამაშოს და ევროპაში ხვიჩასაც გაუჭირდებაო--ატალანტა კი არა ეგ მირანჩუკი ბათუმში ან გორის დილაში რო იყოს იქაც ვერ ითამაშებს(სერიოზულად ვამბობ)გორში ვერც აფრიკელ შემტევებს ამოაგდებს,ვერც ღუდუშაურს და ბუღრიძეს..ბათუმში მანჯგალაძის კონკურენტი იქნებოდა და ხანდახან ათამაშებდნენ ალბათ გროცურეკივით.მაგას გვილია და აბუ მირჩევნია ორივე