საფრანგეთის ეროვნული ნაკრები ევრო 2020-ს უკვე გამოეთიშა, თუმცა 240 000-ზე მეტი გულშემატკივარი პეტიციას ხელს აწერს, რათა ფრანგებისა და შვეიცარიის შეხვედრა თავიდან ჩატარდეს, ხელმოწერები კი UEFA-ში იგზავნება. თერთმეტმეტრიანის დროს მეკარეს კარის ხაზზე, როგორც მინიმუმ, 1 ფეხი უნდა ედგას, "მამლების" გულშემატკივრები კი ამბობენ, რომ იან ზომერმა ეს წესი არ დაიცვა და ისე მოიგერია კილიან მბაპეს პენალტი, რამაც შვეიცარიელებს მეოთხედფინალის საგზური მოუპოვა.
RTL Sport-ის მიხედვით, 240 000 გულშემატკივარზე მეტმა ადამიანმა პეტიციას ხელი უკვე მოაწერა, რათა შეხვედრა თავიდან ჩატარდეს, ამ ხმების რაოდენობა კი ნელ-ნელა
იზრდება.
შეგახსენებთ, მიუხედავად იმისა, რომ ფრანგები შეხვედრის მიწურულს 3:1 იგებდნენ, შვეიცარიელებმა თამაშში დაბრუნება, ჯერ 2 გოლის გატანა, შემდეგ კი თერთმეტმეტრიანებში 5:4-ის მოგება და ევრო 2020-ის მეოთხედფინალში გასვლა მოახერხეს.
თავის მხრივ, UEFA დარწმუნებულია თავის გადაწყვეტილებაში და ისევ თავის პოზიციაზე რჩება, რომ VAR-მა სწორი გადაწყვეტილება მიიღო.
მომზადებულია marca-ს მიხედვით
დრამა ბუქარესტში - მბაპემ პენალტი გააცუდა და მსოფლიოს ჩემპიონი ევროპირველობას დაემშვიდობა [VIDEO]
!["რეალში" ჯერ კიდევ არგადასული მბაპე "ბარსელონას" ფანებს უკვე შესძულდებათ - ნახეთ, რა უთხრა გასახდელისკენ მიმავალმა ფრანგმა კატალონიელთა გულშემატკივრებს [VIDEO]](/pictures/image7/c8d0781634d40a75628d9109aff3fe43.jpeg "\"რეალში\" ჯერ კიდევ არგადასული მბაპე \"ბარსელონას\" ფანებს უკვე შესძულდებათ - ნახეთ, რა უთხრა გასახდელისკენ მიმავალმა ფრანგმა კატალონიელთა გულშემატკივრებს [VIDEO]")
