კაცნაკლულმა ინგლისის ნაკრებმა ნეაპოლში იტალიას სძლია

ევროპის ჩემპიონატის საკვალიფიკაციო ეტაპის პირველ ტურში, C ჯგუფში, იტალიის ნაკრები საკუთარ მოედანზე ინგლისთან 1:2 დამარცხდა.

პირველი ტაიმი სტუმრებმა 2:0 მოიგეს. მეორე ტაიმის დასაწყისში არგენტინის „ტიგრეს“ თავდამსხმელმა რეტეგიმ ანგარიში შეამცირა, რის შემდეგაც მასპინძლებმა დიდი ძალებით შეუტიეს, განსაკუთრებით, როდესაც მე-80 წუთზე მსაჯმა ინგლისელთა მცველი შოუ გააძევა. თუმცა „სკუადრა აძურას“ იერიშები სწორხაზოვანი და ყოველგვარ ფანტაზიას მოკლებული იყო და მარცხი განიცადეს.

26 მარტს იტალია გასვლაზე მალტას დაუპირისპირდება, ხოლო ინგლისი უკრაინას უმასპინძლებს.

. ინგლისმა იტალიას 2012 წლის შემდეგ პირველად სძლია და ევრო 2020-ზე წაგების გამო რევანში აიღო.
. კეინმა ინგლისის ნაკრებში 54-ე გოლი გაიტანა, რუნის გაასწრო და ისტორიაში საუკეთესო ბომბარდირი გახდა.

ნეაპოლი. „დიეგო მარადონა“
იტალია - ინგლისი 1:2
გოლები: 0:1 რაისი (13), 0:2 კეინი (44, პენ), 1:2 რეტეგი (56)