გერმანიის ნაკრების წევრმა სამი ხედირამ მის ეროვნულ გუნდსა და ნორვეგიას შორის დღეს გასამართ მატჩზე ის 1200 ბავშვი დაპატიჟა, რომლებსაც ბილეთის ყიდვის საშუალება თავად არ აქვთ.DW Sports-ის ცნობით, ხედირამ მისი მშობლიური ქალაქის პატარა მცხოვრებლები 15 ბავშვთა სახლიდან და საავადმყოფოდან მიიწვია. მათ შორის არიან ონკოლოგიური პაციენტები.
ხედირამ, რომელიც ქველმოქმედად პირველად არ გვევლინება, კომენტარიც გააკეთა: "იმედი მაქვს, ბავშვები სიამოვნებას მიიღებენ. ეს მინიმალურია, რისი გაკეთებაც მათთვის შემიძლია.
თამაში დღეს, თბილისის დროით 22 საათსა და 45 წუთზე, შტუტგარტში გაიმართება.
