რატომ აგვიანებს "ბაიერნი" ტუხელის მწვრთნელად დანიშვნას?

ორიოდ დღის წინ "ბილდმა" იუწყა, რომ დორტმუნდის "ბორუსიას" ყოფილი მწვრთნელი ტომას ტუხელი მიუნხენში გადაფრინდა "ბაიერნთან" კონტრაქტის გასაფორმებლად, თუმცა მას შემდეგ ამ ამბავზე ახალი ინფორმაცია არ გავრცელებულა.

დღეს კი "კიკერი" გვამცნობს, რომ "რეკორდმაისტერის" ხელმძღვანელობას ეჭვი არ ეპარება ტუხელის პროფესიონალიზმში, მაგრამ აინტერესებს, რატომ გაწყვიტა გასული სეზონის დასრულებისას უეცრად შრომითი ხელშეკრულება თავის ყოფილ კლუბთან და ამის გასარკვევად "ბორუსიას" სპორტულ დირექტორს, მიხაელ ცორკს დაუკავშირდა.