იოაჰიმ ლიოვი ჯანმრთელობის პრობლემების გამო გერმანიის ნაკრებს 2 მატჩში დააკლდება

AutoSharing Option
გერმანიის ნაკრების მთავარ მწვრთნელ იოაჰიმ ლიოვს ჯანმრთელობასთან დაკავშირებით პრობლემები აქვს.

სპეციალისტი ნაკრების უახლოეს მატჩებს ბელორუსთან და ესტონეთთან ტრავმის გამო გამოტოვებს. მან არტერიის დაზიანება მიიღო, რის გამოც საავადმყოფოში გადაიყვანეს.

ლიოვის არყოფნის დროს გერმანიის ნაკრებს მისი ასისტენტი მარკუს ზორგი უხელმძღვანელებს.

"თავს უკვე კომფორტულად ვგრძნობ, მაგრამ სხეულს მომავალი ოთხი კვირის განმავლობაში დასვენების საშუალება უნდა მივცე.

სამწვრთნელო შტაბთან კომუნიკაცია მუდამ მაქვს და მატჩებამდე სატელეფონო კავშირი გვექნება", - თქვა ლიოვმა.

მომზადებულია dfb.de-ს მიხედვით