ასეთი რამ ფეხბურთში იშვიათად მომხდარა - "აინტრახტის" არგენტინელმა მცველმა დავიდ აბრაჰამმა "ფრაიბურგის" მწვრთნელი კრისტიან შტრაიხი გამიზნულად წააქცია.
"აინტრახტისა" და "ფრაიბურგის" მატჩი ძალიან დაძაბული იყო. ზედ შესვენებაზე გასვლის წინ მსაჯმა ფელიქს ბრიხმა სტუმართა გუნდის ნახევარმცველი ჟელსონ ფერნანდესი გააძევა. 77-ე წუთზე მასპინძელთა თავდამსხმელმა ნილს პეტერსენმა გოლი გაიტანა, 90+5-ე წუთზე კი ბურთი აუტში გადავარდა. აბრაჰამი ჩქარობდა, პირით ხაზთან მდგომ შტრაიხს იდაყვი ჰკრა და წააქცია.
ამას ორივე გუნდის ფეხბურთელებს შორის შეხლა-შემოხლა მოჰყვა. არბიტრმა ჯერ აბრაჰამს უჩვენა წითელი ბარათი, ხოლო შემდეგ - ფრანკფურტელთა ნახევარმცველ ვინჩენცო გრიფოს.
შეხვედრა "ფრაიბურგმა" 1:0 მოიგო.
ნამატჩევს შტრაიხმა დაიჩივლა, ეგ ახალგაზრდა ბიზონია, მე კი 54 წლის ვარ, სად შემიძლია მაგასთან ჭიდაობაო.
![გამორჩეული ოდიშიარია და "რიგასის" საპატიო ფრე "ანდერლეხტთან" [VIDEO]](/pictures/image7/3730e9823073b388ae01bf5f8e313092.jpg "გამორჩეული ოდიშიარია და \"რიგასის\" საპატიო ფრე \"ანდერლეხტთან\" [VIDEO]")
![ზივზივაძემ გაიტანა და "კარლსრუეს" გამარჯვება მოუპოვა [VIDEO]](/pictures/image7/c15d4a17eecd5657b772e7db516e1150.jpg "ზივზივაძემ გაიტანა და \"კარლსრუეს\" გამარჯვება მოუპოვა [VIDEO]")
![Bild: სექსუალურად შეპყრობილმა მოდელმა გერმანელი მეკარის კარიერაზე უარყოფითად იმოქმედა [PHOTO]](/pictures/image7/c16d518d5d164d6153e0f19c86bbf831.jpg "Bild: სექსუალურად შეპყრობილმა მოდელმა გერმანელი მეკარის კარიერაზე უარყოფითად იმოქმედა [PHOTO]")
