ჰანს-დიტერ ფლიკი სეზონის ბოლომდე "ბაიერნის" მწვრთნელი იქნება, - ეს მიუნხენურმა კლუბმა ოფიციალურად დაადასტურა.
"ბილდის" ცნობით, სეზონის წარმატებულად დასრულების შემთხვევაში, არაა გამორიცხული, "ბაიერნმა" ფლიკთან თანამშრომლობა გააგრძელოს.
ფლიკმა ნოემბერში გადაყენებული ნიკო კოვაჩი შეცვალა, "ბაიერნი" კი 17 ტურის შემდეგ ბუნდესლიგაში 33 ქულით მესამე ადგილზეა და ლიდერ "ლაიპციგს" 4 ქულით ჩამორჩება.