ლეგენდარული გერმანელის რეკორდთან ახლოს! ლევანდოვსკი დღიდან დღემდე უმატებს

მიუნხენის "ბაიერნის" 32 წლის თავდამსხმელი რობერტ ლევანდოვსკი გოლების გატანას უმატებს და უმატებს. ბუნდესლიგის გასულ ტურში "რეკორდმაისტერი" "შტუტგარდს" დაუპირისპირდა. აღსანიშნავია, რომ მიუნხენელთა განაპირა მცველი ალფონსო დევისი გააძევეს, 10 კაცით დარჩენიდან 22 წუთში პოლონელმა სუპერშემტევმა 3 გოლი გაიტანა და პირველივე ტაიმში გუნდს მორიგი 3 ქულა აჩუქა.

2010 წელს პოლონელი პოზნანის "ლეხიდან" "დორტმუნდში" გადავიდა, მას შემდეგ კი ფეხბურთელი გოლების მანქანად გადაიქცა. დიდი ალბათობით, რობერტი ლეგენდარული ფეხბურთელის, გერდ მიულერის რეკორდს გააუმჯობესებს (40 გოლი ბუნდესლიგის 1 სეზონში). ამჟამად მიუნხენის "ბაიერნს" მეორეადგილოსან "ლაიპციგთან" 4 ქულიანი უპირატესობა აქვს და როგორც მოსალოდნელი იყო, "რეკორდმაისტერი" ქვეყნის ჩემპიონობას კიდევ ერთხელ მოიპოვებს. ლევანდოვსკის კარგი სათამაშო ფორმა კი პოლონეთის ეროვნული ნაკრებისთვის გარანტიაა, რომ ისინი ყველა მეტოქისთვის კონკურენტუნარიანები გახდებიან.