ჟურნალისტი ფლორიან პლეტენბერგი წერს, რომ "ბაიერნს" "სიტის" მეკარე სტეფან ორტეგას დამატება სურს, რომელიც მანუელ ნოიერის დაბრუნებამდე გუნდის პირველი კიპერი იქნება. მიუნხენელებს გიორგი მამარდაშვილის სატრანსფერო ფასი არ მოსწონთ, დავიდ რაიასა და კეპა არისაბალაგას ტრანსფერი კი ვერ გაჩარხეს.
30 წლის გერმანელის გაშვება მანჩესტერელთა მთავარ მწვრთნელ პეპ გვარდიოლას არ სურს, თუმცა საბოლოო სიტყვა გამოცდილ მეკარეზე იქნება დამოკიდებული და ის თავად გადაწყვეტს, გადაბარგდება თუ არა "ალიანს არენაზე".
ორტეგა ბილეფილდის "არმინიას" აღზრდილია, შემდეგ "მიუნხენ 1860"-ში ასპარეზობდა, 2022 წლიდან კი 'სიტის" წევრია.
