ზაფხულში ლისაბონის "ბენფიკადან" გადასული 23 წლის შვედი მცველი ვიქტორ ლინდელოფი "მანჩესტერ იუნაიტედის" ძირითად შემადგენლობაში ვერ ხვდება, თავისი თავსატკივარი აქვს და ამ დროს მეგობარი ქალი მაი ნილსონი უქმნის პრობლემას, რომელსაც ნუ იტყვით და "ოლდ ტრაფორდზე" ლუქს-აპარტამენტებიდან უნდა უყუროს თამაშებს. მაი ამბობს, რომ იქიდან მატჩების ცქერა ფრიად სასიამოვნოა, რადგან პირადი ოფიციანტი ემსახურება, მაგრამ უკმაყოფილოა მომსახურების მაღალი ფასით, რომლის გამხელა არ ისურვა. კრიტიკა კი კლუბის ხელმძღვანელობას შეიძლება სულაც არ მოეწონოს და ვიქტორს დამატებითი პრობლემა შეექმნას.
ცნობისათვის, ლინდელოფის ყოველკვირეული ხელფასი 120 ათასი ფუნტია.
