მაშინ, როცა ლონდონური კლუბები ევროპა ლიგის გამარჯვებულის გამოვლენას ელოდებიან, ხოლო "ლივერპული" და "ტოტენჰემი" ცდილობენ, საუკეთესო კონდიციებში შეხვდნენ ჩემპიონთა ლიგის ფინალს, ინგლისში პლეი-ოფები იმართება. "დერბი" და "ასტონ ვილა" ერთმანეთს პრემიერლიგაში გადმოსვლისთვის ებრძვიან, ხოლო "ჩარლტონ ატლეტიკი" და "სანდერლენდი" პრემიერშიფში გამოსვლის უფლების მოსაპოვებლად ითამაშებენ "უემბლიზე".
"ჩარლტონმა" საკმაოდ რთული გზა გაიარა პლეი-ოფის ფინალში მოსახვედრად. "დონკასტერთან" გასვლაზე გამარჯვების შემდეგ, სახლში დამარცხდნენ, ბოლო წუთებზე გაუშვეს გოლი და ყველაფერი პენალტების სერიამდე მივიდა. ქვევით შეგიძლიათ იხილოთ, თუ როგორი სიმშვიდით შეასრულა თერთმეტმეტრიანი დარტყმა "ჩარლტონის" საუკეთესო ბომბარდირმა ლაილ ტეილორმა.
საბოლოოდ,
"ჩარლტონმა" 4:3 გაიმარჯვა პენალტების სერიაში და პლეი-ოფის ფინალში თამაშის უფლება მოიპოვა. ფინალი კი 26 მაისს შედგება და როგორც ზევით აღვნიშნეთ, "ჩარლტონის" წინააღმდეგ "სანდერლენდი" ითამაშებს. შეხვედრა თბილისის დროით 18:00 საათზე დაიწყება.
